ငါ့နားရက် အင်္ဂါဟာ အင်္ဂါတွေ တစ်စစီပြုတ်ထွက် နေတဲ့ အင်္ဂါဖြစ်တယ်
ငါနဲ့တူတဲ့ ခရမ်းချဉ်သီးဖတ်လေးဟာ ဟင်းအိုးထဲမှာ ဆူပွက်နေတယ်
ငါ့ ဗီစီဒီပန်းခြံထဲမှာ မင်းသားနဲ့မင်းသမီးဟာ စောက်မြင်ကပ်လောက်အောင် ပတ်ပြေးနေတယ်
ကဗျာထဲမှာ ဗိုက်ကြီးသွားတဲ့ စာသားမလေးကို ကဗျာရေးသူဟာ တာဝန်ယူလိုက်တယ်
ငါဆာနေတဲ့အရာကို နာဆာက မမြင်နိုင်ဘူးလို့ ငါထင်တယ်
စစ်မှန်တဲ့ပညာရေးစနစ်ကိုငတ်ရင်း စစ်လာမှန်ထားတဲ့ ပညာရေးစနစ်မှာ ငါနစ်ခဲ့တယ်
သစ်သားကောက်ကြောင်းလေးထဲမှာ သစ်တောကြီးရဲ့ အသံရှိမလားလို့ နားစိုက်ထောင်မိတယ်
အရေးပေါ် ဥဩဆွဲသွားတဲ့ ကားထဲမှာ ငါပါသွားသလားလို့ ဝရန်တာဆီ ပြေးထွက်ကြည့်မိတယ်
ဟိုးဝေးဝေးက တောင်တန်းဆီ မြူခိုးတွေလို ငါလှမ်းဆက်သွယ်နေတယ်
လေယာဉ်သံဟာ ငါ့အိမ်လွမ်းနာဆီ ဗုံးတွေ ပိုက်စိပ်တိုက် ကျဲချသွားတယ်
ငါ့သေတ္တာထဲမှာ သစ်တာတွေ တစ်ခုမျှမရှိဘူးလို့ ငါဟောင်းပစ်လိုက်တယ်
မြက်ရိတ်စက်ကြီးက တဂီးဂီးနဲ့ ငါ့စိတ်တွေကို လာရိတ်နေတယ်
္ဂိဂိုးပြတ်ရှုံးနေတဲ့ အဝေးကွင်းမှာ ငါဟာ လက်ခလယ် ထောင်ပြခံရသူ ဖြစ်တယ်
လူကုန်ကူးခံရတဲ့ မိရိုးဖလာဟာ မမှတ်မိလောက်အောင် ငယ်ရုပ်ပျောက်သွားတယ်
သိမှုရနံ့တွေ မွှေးလာမလားလို့ တချို့အတွေးအခေါ်တွေကို ငါတံစို့ထိုး မီးကင်ကြည့်မိတယ်
ငါဟာ စားသုံးသူဖြစ်ပြီး ငါဟာ စားသောက်ကုန်ပစ္စည်းဖြစ်တယ်
ယန္တရားစော်နံတဲ့ ငါ့ခန္ဓာကို ခါချလိုက်တိုင်း သံချေးတွေအလွှားလိုက်ကွာကျတယ်
တရားမဝင်အရှို့ ခံလိုက်ရတဲ့ မေတ္တာတရားကို ငါဖက်ထားမိတယ်
ဆာလောင်သူများကို မျက်ရည်ယိုဗုံးတွေ ကျွေးနေပုံကိုကြည့်ပြီး ငါနင်နေတယ်
'ငါ့ကိုယ်ငါ အချိန်မရွေးလုပ်ကြံဖို့ကြိုးစားနေတယ်'ဟာ ငါ့နာမည်ဝှက်ဖြစ်တယ်
စည်ပင်က အရိပ်ကြီးကြီးတွေကို ပင်စည်ကနေ တိုက်လှဲနေတယ်
စွန့်ပစ်ခံထားရတဲ့ စကားလုံးတွေကို အမှိုက်ပုံထဲကနေ ငါကယ်ထုတ်လိုက်တယ်
ငါထောင်ထားတဲ့ ကြွက်ထောင်ချောက် ထဲမှာ မိနေတဲ့ ကြွက်ဟာ ငါဖြစ်နေတယ်
'The Reader' ထဲက ကိတ်ဝင်းစလတ် ဟာ ငါ့လိင်ပိုင်းဆိုင်ရာခလုတ်ကို လာဖွင့်နေတယ်
အာဏာရှင်ဖို့အတွက် အာဏာရှင်ဟာ အာဏာတွေကို သွေးလောင်းပေါင်းသင်နေတယ်
အောင်ချိမ့် ရဲ့ 'အဝင်း ဆိုတဲ့ ဖာသည်မလေး ' နေရာမှာ စနစ်ဆိုးကြီးတစ်ခုဟာ တစ်ခင်းလုံးဝင်းမှည့်နေတယ်
နျူးကလီးယားမကြိုက်တဲ့ ငါဟာ ကိလေသာကိုတော့ မှီဝဲနေသေးတယ်
စီးပွားရေးမြောင်းပုပ်ကြီးထဲ ကျွံကျွံကျလာတဲ့ လူတွေကို ငါမော့ကြည့်နေမိတယ်
ဆယ်လ်မွန်ငါးတွေ ရေခဲရိုက်ထည့်ခံခဲ့ရတဲ့ ဘောက်ကို ဆေးကြောသန့်စင်ပြီး
ငါ့အိမ်ပြန်ချိန်တွေကို ထည့်ထားလိုက်တယ်
လင်းလက်တာရာ
18.11.2014
No comments:
Post a Comment