မှန်လုံအိမ်လေးထဲမှာ ရွှေငါးကလေး ကူးနေတယ်

မှန်လုံအိမ်လေးထဲမှာ ရွှေငါးကလေး ကူးနေတယ်
ရွေှ့ငါးကလေးမှာ ရွှေငါးကလေးရဲ့ ဝေးဝေးက ပင်လယ်ရှိတယ်
ပင်လယ်ရနံ့ ကို ပင်လယ်ကြီး တစ်ချပ်စာ စိတ်ကူး
စိတ်ကူးနဲ့ ပင်လယ်ကြီးတစ်ချပ်စာ ရှူရှိုက်
လူဟာ ကြောက်စရာအကောင်းဆုံး သတ္တဝါလို့ ရွှေငါးကလေး ကူးနေတယ်
တစ်မြေနဲ့ တစ်မြေ လေယာဉ်ကြီးတွေ ကူးသလို
တစ်မြေနဲ့ တစ်မြေ ရေနံပိုက်လိုင်းကြီးတွေကူးတယ်
တစ်မြေနဲ့ တစ်မြေ ယဉ်ကျေးမှုတွေ ကူးသလို
တစ်မြေနဲ့ တစ်မြေ လူမှောင်ခိုတွေ ကူးတယ်
စပ်ကူးမပ်ကူးဆိုတာ ငရဲကြီး ရှစ်ထပ်နဲ့ လူ့ ဘုံလား
ရုတ်တရက်၊ ရုတ်တရက်တွေ ပေါက်ကွဲ
ရုတ်တရက်၊ ရုတ်တရက်တွေ ပြိုကျ
ရုတ်တရက်၊ ရုတ်တရက်တွေ သေကြေပျက်စီး
ရုတ်တရက်၊ ရုတ်တရက်တွေ မသေမရှင်
ရွှေငါးလေး မကူးရဲ ရွှေငါးလေး မရဲတရဲ ကူးတယ်
အနုပညာမရှိတဲ့ အလုံပိတ်အခန်းကျဉ်းလေးထဲမှာ အရသာမဲ့မဲ့ ကူးခတ်ခြင်း
ယာဉ်ကြောပိတ်ဆို့ အီကွေတာ လမ်းမကြီး
လူကြောပိတ်ဆို့ အတ္တအမြှောင်းမြှောင်း ကွန်ကရစ်ဟိုင်းဝေး
တစ်ယောက်ရဲ့ ရောဂါပိုးတွေ တစ်ယောက်ဆီ ကူးသွားတယ်
တစ်ယောက်ရဲ့ ရမ္မက်တွေ တစ်ယောက်ဆီ ကူးသွားတယ်
တစ်ယောက်ရဲ့ အယူဝါဒမှိုင်းတွေ တစ်ယောက်ဆီ ကူးသွားတယ်
သေနေတဲ့ ရေထဲ သေနေတဲ့ ရှုခင်းရှုကွက်တွေ
ရွှေငါးကလေး ကူးတယ် ရွှေငါးကလေး စိတ်ကူးတယ်
ရွှေငါးကလေး စိတ်ဒဏ်ရာတွေနဲ့ ကူးတယ်
အေ့စ်ကူးစက်ခံ ပန်းကလေးတွေအကြောင်း
ဆေးလိပ်တွေလို တစ်လိပ်ပြီးတစ်လိပ် ပြာကျသွားတဲ့ လိပ်ပြာတွေ အကြောင်း
ကူးတယ် ဖယောင်းတိုင်လေး တစ်တိုင်ကနေ တစ်မြို့လုံး လင်းထိန်သွားတဲ့အထိ
ကူးတယ် နံရံဆေးသား ပန်းချီကားတွေကနေ ဆိုရှယ်လ်နက်ဝက်ဘ် တွေအထိ
သမိုင်းတစ်ခုကနေ သမိုင်းတစ်ခု အကူးမှာ
ခေတ်တစ်ခုကနေ ခေတ်တစ်ခု အကူးမှာ
အသက်တွေ ပွက်တယ် သွေးတွေ ပွင့်တယ်
ခဲယမ်းလက်နက်တွေက နိုင်ငံတိုင်းမှာ သီးတာလား
နိုင်ငံဆိုတာကရော နှစ်ရှည်ခံပင်ကြီးလား
တွင်းထွက်ပစ္စည်းတွေ လူ့ အရင်းအမြစ်တွေကရော သစ်ငိုတိုတွေလား
မေးခွန်းတွေထဲ ထပ်ဆင့်မေးခွန်းတွေ ကူးလူးယှက်နွယ်
ကျောင်းသား၊ စစ်သား၊ ကလေးစစ်သား
ကျောသားရင်သားမခွဲခြားတဲ့ တက္ကသိုလ်ကို ရွှေငါးကလေး တက်ချင်တယ်
လူသားချင်းတန်းတူညီမှုကို ရွှေငါးကလေး သင်ယူချင်တယ်
မီးကို စတင်တွေ့ ရှိပြီးကတည်းက မီးကို ငြှိမ်းသတ်မရတော့
မီးထဲမှာ ကူးကြတယ် မီးတွေ ကူးသွားကြတယ်
အပေါ်မီးအောက်မီးနဲ့ ဘယ်တော့အကင်ခံရမလဲ
မနက်ဖြန်ဆိုတာ မသေချာခြင်းစကြာဝဠာထဲ မျောနေတဲ့ ငါးမျှားချိတ်ဂလက်စီအစုအဝေး
လူတွေကို လူတွေက ပြန်မျှားသလို လူတွေကို ပိုက်ဆံတွေက ပြန်မျှား
ရွှေငါးကလေးလည်း အမျှားခံသက်ရှိ
ကာဘွန်ဒိုင်ဥခွံထဲက ပုံတူမျိုးပွားတွေ
ယန္တယားဆန်တဲ့ သွေးသားလည်ပတ်မှုတွေ
အရက်ချက်စက်ရုံလို မည်းနက်နက် နေ့ တွေညတွေ
ဆေးသားတောက်တောက်ရှင်သန်ခြင်းများ ပုံနှိပ်နံ့ တွေနဲ့ တတောက်တောက်ကျလာ
အနည်အနှစ်အညစ်အကြေးထဲ ကြည်လွင်တဲ့ ရယ်သံလေးတစ်ပွက်လောက်တော့ ရွှေငါးကလေးပွက်ချင်ပါရဲ့
ပွက်ပွက်ဆူနေတဲ့ ရေနွေးအိုးကြီးလို ဖြစ်တည်မှု
မျက်ရည်ဆို တာ အလွှာမရွေးဘူး လျှောကျတယ်
ရွှေငါးကလေးလည်း ကိုယ့်မျက်ရည်ထဲမှာ ကိုယ်ပြန်ကူးခတ်
ကိုယ့်ကိုယ်ကို ဘယ်တော့ ပြန်ဆယ်ယူလို့့ရမလဲ
သံသရာလောက်ထက်ရှတဲ့ ဓါး မရှိတော့ဘူးဆိုတာ သံသရာပဲရှိတယ်
သံသယဟာ ကိုယ်ထဲ ဝင်ကူးခတ်
' USတံဆိပ်တရုတ်ထုတ်ပြည်တွင်းဖြစ် ' ကူးစက်ပိုးမွှားတွေ
ပြဿနာရဲ့ အရင်းအမြစ်မှ သီးပွင့်လာတဲ့ ဒုက္ခအဆောက်အဦ
ကောင်းကင်ရဲ့ မြေသားထဲမှာ ငြိမ်းချမ်းရေး ရေထုကြီး ရှိပါသလား
အရေးအသားတစ်ခုကနေ အရေးအသားတစ်ခု အကူးမှာ ရှော့ခ်ရသွားတဲ့ စာသားတွေ
နယ်ခြားစည်းတစ်ခုကနေ နယ်ခြားစည်းတစ်ခုအကူးမှာ ရှော့ခ်ရိုက်ခံရတဲ့ လူသားတွေ
ပြတင်းတံခါးတွေ တွန်းဖွင့်ပြီး ရောင်စုံသက်တံ့လေးကို ခြေဖျားထောက်ခူးရတဲ့
အရသာတစ်ခွက်လောက်တော့ ရွှေငါးလေးလည်း သောက်ခွင့်ရချင်ပါရဲ့
လူသားတွေ ရုံးဆင်းချိန်လို ရွှေငါးလေးလည်း အိမ်စစ်စစ်ဆီ ပြန်ခွင့်ရချင်ပါရဲ့
မေမေရော နေကောင်းရဲ့လား ညီအစ်ကိုမောင်နှမတွေရော အဆင်ပြေရဲ့လား
ဆူးဖွဲ့ ပိုက်ကွန်ကြီးရော အရင်လို လာသောင်းကျန်းသေးလား
သမုဒ္ဒရာကြီးကို အန်ထုတ်လို့ ရရင်တော့ လွတ်မြောက်မှာပဲ
သမုဒ္ဒရာကြီးကရော ဘယ်တော့ အော့အန်မှာလဲ
တကယ်တော့ လူတွေဟာလည်း အဆိပ်ငွေ့ တွေ ရှူနေရတာပါပဲ
လူတွေဟာလည်း အဆိပ်ငွေ့ အသိုက်အမြုံ ကြီးပါပဲ
လူတွေဟာလည်း အဆိပ်ငွေ့ ဖန်လုံအိမ်ကြီးထဲ ပိတ်မိနေတာပါပဲ
မှန်လုံအိမ်ထဲမှာ ရွှေငါးကလေး ကူးနေတယ်



လင်းလက်တာရာ
26.8.2013


နှင်းဆီဖြူမဂ္ဂဇင်း ၊ ၂၀၁၄
ကဗျာမဂ္ဂဇင်း ၊ ၂၀၁၄