1.1.14 အရေးအသား ။ Junction မော်တင်

1.1.14 အရေးအသား ။ Junction မော်တင်




၂၀၁၃ ဟာ ၂၀၁၄ ကို ဘာတွေ လက်ဆင့်ကမ်းလိုက်သလဲ
၂၀၁၄ဟာ ၂၀၁၃ဆီက ဘာအမွေတွေ ယူလာသလဲ
လွတ်လပ်စွာ ဆန္ဒထုတ်ဖော်မှု၊ သဘာဝဘေးအန္တရာယ်၊ မငြိမ်းချမ်းရေး
ကြွေးမြီများ၊ ဘာသာရေးအစွန်းရောက်တွေ၊ ဖွဲ့ စည်းပုံ အခြေခံဥပဒေ
အပြည့်အဝရုပ်လုံးမကြွသေးတဲ့ ဒီမိုကရေစီ၊ မြစ်ဆုံစီမံကိန်း ၊ စသည်...စသည်
မစနဲ့ ( နောက်စရာမဟုတ်ဘူး) မစလိုက်နဲ့ 
စလိုက်တာနဲ့ မဆုံးတော့ဘူး။ တငွေ့ ငွေ့ မီးဟာ တမြေ့မြေ့လောင်
နှစ်သစ်ဟာ မိတ်အင်ချိုင်းနား မီးရှူးမီးပန်းတွေ ပန်ပြီး စင်ပေါ်တက်လာ
မြို့သူမြို့သားစစ်စစ်တွေ မြို့ပြင်တဖြည်းဖြည်းရောက် အနည်ထိုင် ဘေးထွက်
ဘေးထွက်ဆိုးကျိုးဟာ နည်းအမျိုးမျိုးနဲ့ ဝင်ရောက် နေထိုင် ဗိုလ်ကျ
တိုက်ခန်းကျဉ်းကျဉ်းလေးကို ဘဝတူချင်း ချိတ်ဆက်ခင်းကျင်းထားပုံအဆင့်ဆင့်
ဂလိုဘယ်လ် အပေါက်ကြီးက ကျယ်လိုက်တာ ခဏခဏပြုတ်ကျတယ်
ပွင့်လင်းမြင်သာမှုဟာ ဝတ်လစ်စလစ်နဲ့ ၊ ပေါ့စတစ် တီးလုံးတွေ တငြိမ့်ငြိမ့်စီးဆင်း
၂၀၁၅ ကရော ချဉ်ငံစပ်အရသာလား မဲဆန္ဒနယ်ထဲမှာ နယ်ဖက်နေတဲ့လက်ကြီး
(ခင်ဗျားအိုင်ကျူကို အထူးစမ်းသပ်စစ်ဆေးတဲ့ အနေနဲ့ တစ်ကောင်လုံးချပြတာတောင်
အရိပ်မထင်တဲ့ ခေတ်ကာလကြီးခက်ခက်ကို ခက်ဆစ်ဖွင့်ပြပါ)
အိပ်မက်ထဲမှာ လမ်းလေးတစ်လမ်း ပေါက်နေတယ်
အိပ်မက်ထဲကလမ်းကလေးဟာ လက်တွေ့ဘဝထဲကိုဖောက်ထွက်လာတယ်
သင့်ရဲ့လက်ကို စင်ကြယ်အောင်ဆေးပါ ထက် သင့်ရဲ့ စိတ်နှလုံးသားကို
ဖြူစင်အောင် လျှော်ဖွပ်ပါ ကို အထူးဂရုစိုက်ပါ
(သင့်မှာ အန္တရာယ်တစ်ခု ရှိနေပြီဆိုလျှင် သင်ဟာ
သက်ရှိစစ်စစ်ဖြစ်ကြောင်း အခြားထောက်ခံစာ မလိုတော့ပါ)
ခါးသက်သက်ကိုပဲ အသက်နဲ့ရင်းပြီး ချိုမြ
ပြဿနာပေါင်း ၈၄၀၀၀၊ ပြက်သိကာပေါင်း ၈၄၀၀၀၊ မျက်ရည်ထုထည် ဒုနဲ့ ဒေး
လူ့ အဖြစ်သနစ်ဟာ သံတူကြောင်းကွဲတွေနဲ့ တေ့တေ့ဆိုင်ဆိုင် လွဲလွဲချော်ချော်
"အနုပညာဟာ ချော်ရည်ချော်ခဲတွေ"လို့ မီးတောင်နဲ့ တူတဲ့ လူတွေက အော်တယ်
မှန်တာပြောရင် ရွာပြင်ထုတ်ခံရသတဲ့။ ရွာပြင်မထုတ်ဘဲ
ထောင်ထဲ တန်းထည့်တော့တာပဲ အမှန်တရားရေ
ရေကောင်းရေသန့် လေးများရှိရင် တစ်စက်တလေပဲဖြစ်ဖြစ် ပစ်ချခဲ့ပါလို့ 
ရေတွင်းပျက်ကြီးက ဝမ်းအူသံကြီးနဲ့ တောင်းရမ်းတယ်
မြို့မြို့ချင်း လူလူချင်းချနင်းခံရတာလည်း အရိုးနာစရာ
အသိမ်းခံရတဲ့လယ်မြေမှာ ငါ စပါးပင်မဖြစ်ချင်ဘူး
မြန်မာပြည်မှာ တောင် လာဖြစ်ရတဲ့ဘဝက ကံဆိုးပါတယ်
မြန်မာပြည်မှာ မြစ် လာဖြစ်ရတဲ့ ဒုက္ခက ခါးပါတယ်
တောင်မင်းက မြစ်မင်းမကယ်နိုင်သလို မြစ်မင်းကလည်း တောင်မင်းကို မကယ်နိုင်
မေတ္တာတရားကပဲ ဆီလို အပေါက်ရှာထွက်လာတာ
သစ်တောကြီး ငိုနေတယ် သစ်တောကြီး မျက်ရည်ကျနေတယ်
ငိုရင်း မျက်ရည်ကျရင်း နဲ့ ပဲ သစ်တောကြီး အငွေ့ ပျံပျောက်ဆုံး
မျက်လှည့်ဟာ မျက်လှည့် မပီသဘူး၊ လူကြီးလူကောင်း မျက်လှည့်ဆရာဟာ ဖင်ပေါ်နေတယ်
ထိုင်ခုံတွေဟာ ထိတ်လန့် ချောက်ချားဖွယ်။ ထိုင်ခုံတွေဟာ ပြည်ကို ဖျက်နိုင်
တချို့ ထိုင်ခုံတွေဟာ ငရဲကြီး ၈ ထပ်နဲ့ ချိတ်ဆက်ထားတာ
ကမ္ဘာ့ ကွမ်းတံတွေးမြို့တော် မဟာရန်ကုန်
လူသားအရင်းအမြစ် အိမ်တိုင်ရာရောက် ပို့ ဆောင်ဖြန့် ဖြူးထုတ်လုပ်ရေး အေဂျင်စီ
ကိုက်ထားတဲ့ နှုတ်ခမ်းရာဟာ သေရာပါ အမာရွတ်တော့မယ်
ပြည်တည်နာ ပြည်တွင်းစစ်။ အရစ်ကျပေးဆပ်နေရတဲ့ အသက်အိုးအိမ်တွေ
ခု သုံးဆောင်နေတဲ့ ပွဲတော်အုပ်ထဲမှာ အမှန်တရားပါရဲ့လား
' မည်သို့ ပင်ဖြစ်စေ ၄င်းတို့ ကမူ .com ' သို့ နှစ်သစ်မေတ္တာစာများပေးပို့နိုင်ပါကြောင်း
(ကဗျာထဲ time & space ကို တမင်ထည့်ထားတာလည်း တက္ကနစ်တစ်ခုဖြစ်ကြောင်း)
ပွင့်လင်းရာသီလာပါပြီ။ ရာသီလာတာ ကောင်းတယ်။
သွေးမဆုံးသင့်သေးတဲ့ အရွယ်ဟာ သွေးမဆုံးသင့်သေးဘူး မဟုတ်လား
သွေး ။ မဆုံးးးးးးးးးးးးးးးးးးးးးးးးးးးးးးးးးးးးးးးး





လင်းလက်တာရာ

1.1.2014

ဇာတ်လမ်းဇာတ်ကွက်တွေဟာ ပွင့်ဖတ်တွေပေါ့ ရနံ့ က Theme ပန်းပွင့်ပုံကို အနှေးပြကွက်နဲ့ ရိုက်ပြလိုက်တာက Art'

ဇာတ်လမ်းဇာတ်ကွက်တွေဟာ ပွင့်ဖတ်တွေပေါ့ ရနံ့ က Theme
ပန်းပွင့်ပုံကို အနှေးပြကွက်နဲ့ ရိုက်ပြလိုက်တာက Art'

.

(A)
လွတ်လပ်ခြင်းတက်တူးနဲ့ အိမ်ပြေးလူငယ်လေးတစ်ယောက်
ဘီယာပုလင်းကို ဖောက်လိုက်တယ်
ညစ်နေတဲ့ စိတ်နဲ့ အမြည်းတစ်ဖတ်ကို လောကဓံလို့  သဘောထား အံကြိတ်ဝါးလိုက်တယ်
ငြီးငွေ့ စရာကောင်းတဲ့ သတင်းချန်နယ်ကိုတော့ ရီမုတ်နဲ့ ပြောင်းပစ်လိုက်တယ်။

(B)
သမီးနာမည်ဘယ်လိုခေါ်လဲ
ရွှေစင်မြင့်မြတ်ပါ အန်တီ
အသက်ကရော
၇ နှစ်ပါ
ဒီချန်ပီယံလေးများ အစီအစဉ်မှာ ချန်ပီယံဖြစ်ခဲ့ရင် ဘာပစ္စည်းလိုချင်လဲ သမီး
TV
အိမ်မှာ TV မရှိလို့ လား
ရှိပါတယ် ၃ လုံးတောင်
၃ လုံးတောင် ရှိတာပဲ ဘာဖြစ်လို့ TV ကို လိုချင်ရတာလဲ
အိမ်မှာ မိသားစု ၄ ယောက်ရှိတယ်လေ
သမီးကြည့်ချင်တဲ့ လိုင်းကို သီးသန့် ကြည့်ချင်လို့ 
( ဒါပေမယ့် ကလေးမလေးဟာ ပြိုင်ပွဲမှာ ရှုံးသွားတယ်)

(C)
နာမည် ဘယ်လိုခေါ်လဲ သမီး
ဖြူစင်ဝင်းပါ အန်တီ
အသက်ကရော
၅ နှစ်ခွဲပါ
တကယ်လို့ ချန်ပီယံဖြစ်ခဲ့ရင် ဘာပစ္စည်း လိုချင်လဲ
အဝတ်လျှော်စက်ပါ
ဘာဖြစ်လို့ အဝတ်လျှော်စက်ကို ရွေးရတာလဲ သမီး
မေမေက တစ်အိမ်လုံးမှာ ရှိတဲ့ အဝတ်တွေကို အမြဲလျှော်ရတာလေ
မေမေ့ကို မပင်ပန်းစေချင်တော့လို့ ပါ
(ကလေးမလေးဟာ ကြိုးကြိုးစားစားယှဉ်ပြိုင်ပြီး ချန်ပီယံဆုကို ရယူသွားတယ်)

(D)
အိမ်ပြေးလူငယ်လေးဟာ
သောက်လက်စဘီယာပုလင်းကို ပစ်ချလိုက်တယ်
ကျောပိုးအိတ်ကို ကောက်လွယ်လိုက်တယ်
ရထားလက်မှတ်ကို ဖြတ်လိုက်တယ်

(E)
အိပ်တန်းပျံငှက်လေးတစ်ကောင်
တိမ်ရောင်စုံနဲ့ ရောစပ်
အိမ်​ပြန်​ချိန်​ပန်းချီကားတစ်ချပ်
တောင်ပံခတ်ပျံသန်း
The End

ု


လင်းလက်တာရာ
11.6.2014

ပင်လယ်ကူးသဘောင်္ရဲ့ဥဩသံတွေ ကို စာကြည့်စားပွဲပေါ် အစီအရီတင်ထားလိုက်မိတဲ့အလွမ်းတွေ

ပင်လယ်ကူးသဘောင်္ရဲ့ဥဩသံတွေ ကို
စာကြည့်စားပွဲပေါ် အစီအရီတင်ထားလိုက်မိတဲ့အလွမ်းတွေ




ကိုးလွှာက ပြုတ်ကျလာတဲ့ အိမ်​ပြန်​ချိန်ကို အထိတ်​တလန့်  မေ့ာကြည့်လိုက်မိ
မျက်လုံးထဲဝင်သွား ပြန်ထွက်မလာတော့
ငါကိုယ်တိုင် ကိုးလွှာကပြုတ်ကျလာတဲ့ အိမ်​ပြန်​ချိန်​ ဖြစ်သွား
သစ်ရွက်အတုလေးကတော့ အမြဲတမ်းအစိမ်းရောင်
ငါ့မှာတော့ ၁၂ရာသီလုံးလုံး ကိုင်းခြောက်
လူတဲ့ ၂၄နာရီလည်ပတ်နေတဲ့ စက်​ရုံတွေလို မီးခိုးတလူလူ
လေအေးပေးစက်ဟာ စိတ်အပူချိန်ကို လျှော့မပစ်နိုင်
လမ်းညွှန်ဆိုင်းဘုတ်တွေဟာ ဘဝရဲ့ အစိပ်အပိုင်းတချို့ကို
အတင်းအဓမ္မ တင်ဆောင်ခုတ်မောင်း ကန်ချသွားကြ
ပျော်​စရာလား သူ အော့အန်နေတယ်
သစ်သီးပုပ်လိုခရီးကို တစ်ခါလောက်တော့ ဖျော်သောက်ဖူးကြမှာပဲ
သွားကြားထိုးတံလေးရဲ့ သူ့တောအုပ်ကို အော်ခေါ်နေသံ ငါကြားတယ်
သစ်ခေါက်လို ပင်စည်နဲ့ ပဲ့ထွက် ဝေးကွာခဲ့ရတာချင်း လက်ဆွဲနှုတ်ဆက်မိကြတယ်
ပိတ်ရက်ထဲမှာ ပိတ်မိနေတဲ့စိတ် ကဗျာနဲ့ ဖွင့်မှ ပွင့်မယ့်ဂူလို ငူငူကြီးထိုင်လို့
ငါက လောကဓံကို ဘောလုံးလိုကန်လိုက်
လောကဓံက ငါ့ကို ဘောလုံးလိုကန်လိုက် နဲ့
ငါနဲ့လောကဓံ သူတစ်ပြန်ကိုယ်တစ်ပြန်ဂိုးသွင်းနေကြတယ်
ချစ်ခြင်းမေတ္တာရဲ့လက်ခုပ်သံကြားမှာ ငါဟာ လက်ခုပ်ပန်းလေးလိုပွင့်လို့ဝေလို့
အရူးကြီးတစ်ယောက်လို စိတ်ဖောက်ပြန်နေတဲ့ နွေဟာ
ဆောင်းကို တ​ကြော်​​ကြော်​ အော်ခေါ်နေတယ်
ခင်ဗျားနဲ့ကျွန်တော့်ကြားမှာ မမြင်ရတဲ့ ကမ္ဘာတစ်ခုခြားနေတယ် နှင်းရေလို့
နေရောင်ခြည်လေးက မျက်ရည်ကျပြနေတယ်
ဇာတ်နာတွေကို လူ့အဖွဲ့အစည်းထဲကနေ ဘူဒိုဇာနဲ့ကော်ထုတ်လို့မရသေး
ိအိပ်မက်အသေတွေနဲ့ ညဟာ တီကောင်လို လူးလူးလွန့်လွန့်
ဆာရီရယ်​ဆန်ဆန်ဒုက္ခမိုးသားတွေ ကျည်​ဆံလိုရွာတဲ့နေ့က
နင့်အပြုံးဒိုင်းလေးနဲ့ ငါကရှင်သန်ခဲ့ရတာ
လူတစ်ယောက်က လူတစ်ယောက်ကို ပိုးမွေးသလိုမွေးတယ်
လူတစ်ယောက်က လူတစ်ယောက်ကို ငါးမျှားသလိုမျှားတယ်
ရုပ်သေးမြို့တော်ကြီးမှာ ခင်ဗျားလည်းရုပ်သေးတစ်ရုပ်ပါပဲ
ကျွန်တော်တို့အတူတကွ ကပြဖျော်ဖြေနေကြ
အဲဒီအနုပညာဆိုတာကြီးကို ထက်ခြမ်းခွဲကြည့်
အထဲမှာ ဘာမှမရှိဘူး ဆိုတဲ့ရယ်သံအက်အက်ကြီး
ပိတ်လှောင်မွန်းကြပ်နေတဲ့နေ့ရက်တွေမှာ
ဟာသဟာ အောက်ဆီဂျင်လို လိုအပ်ပါတယ်
သူမရဲ့သဲကန္တာထဲ မျက်ရည်နဲ့ကဗျာတွေ သွန်နေမိတာ
ဆင်ခြင်တုံတရားနဲ့ ချောက်ကမ်းပါး အလယ်မှာ ငါဟာ ကြိုးတန်းလမ်းလျှောက်
ကြယ်ငါးလေးတွေကောက်ဖို့် ကမ်းခြေကိုသွားသူ လူငယ်တစ်ယောက်
ကိုယ့်​ကိုယ်​ကိုယ်ကောက်ပြီးပြန်လာတယ်
ပင်လယ်ကြီးတစ်ခုလုံးကို အတွေးထဲ အလုံပိတ် ထည့်လွယ်လို့
အတွေးထဲကနေ ပင်လယ်ကြီးဟာ တစိမ့်စိမ့်ယိုကျလို့
ကျေးဇူးပါ ချစ်ခြင်းမေတ္တာ
ငါ့ဆည်းဆာမှာ နင် နေမဝင်ခဲ့တဲ့ ညနေတချို့အတွက်



လင်းလက်တာရာ
12.10.2016

မီးခိုးမဲ့ညှော်နံ့တွေ ခန္ဓာကိုယ်​ ထဲက ပန်းထွက်နေပုံ နည်းနည်း

မီးခိုးမဲ့ညှော်နံ့တွေ ခန္ဓာကိုယ်​ ထဲက ပန်းထွက်နေပုံ နည်းနည်း
___________________________________________


အတွေးပိုက်ကွန်ကိုဆွဲတင်လိုက်တော့။
မန်မိုရီထဲ ဗွက်ထနေတဲ့ သိမှုအကျိုးအပဲ့နေ့တွေပါလာ။
အရှင်လတ်လတ် တဖျတ်ဖျတ်ခုန်ပေါက်နေ။
အဲ့ဒီလို ​လောကဓံပိုက်ကွန်ထဲ။
အရှင်လတ်လတ် တဖျတ်ဖျတ်ခုန်ပေါက်ခဲ့ရ။
အဖိတ်အစဉ်များများနေ့ရက်တွေ။
ချစ်သူနဲ့စိတ်ချင်းစီးချင်းထိုးတယ်။ အိပ်မက်တွေပွင့်လျှက်ကြီး။
မြို့ကြီးပြကြီးရဲ့ သွေးကြောမျှဉ်ထဲ။
ကျေးလက်ကလေးရဲ့အုန်းမောင်းခေါက်သံဟာ ဘယ်လိုဝင်လာပါလိမ့်။
မိသားစုလက်ဆုံစားပွဲလေး လှဖို့။
မိသားစုလက်ဆုံစားပွဲလေးရဲ့အဝေးကို လွှင့်ခဲ့ရသူတွေ။
စိတ်ကူးယဉ် စက္ကူလေယာဉ်လေး ပျက်ပျက်ကျ။
ကမ္ဘာကြီးမှာ ထမင်းဆာနေတဲ့ ကလေးသူငယ်တွေနဲ့။
အိမ်ဆာနေတဲ့ လူငယ်လူရွယ်တွေနဲ့။
ဆာဆာနဲ့ ကိုယ့်လွတ်လပ်မှုကိုယ် ကြွက်တစ်ကောင်လို ကိုက်ဖြတ်စားသောက်။
ဘဝအပေါက်ကြီး။
ပိတ်နေတဲ့ဘဝအပေါက်ကြီး။
ဥာဏ်အလင်းဟာ ပိတ်နေတဲ့ဘဝအပေါက်ကြီးကို ထိုးဖောက်ပစ်လိုက်တယ်။
လူတကာ ခြေထောက်နဲ့ကန်ထားတဲ့ဘောလုံးကို။
တရှိုက်မက်မက်နမ်းလိုက်ခြင်းဟာ ငါ့လူငယ်ဘဝဖြစ်တယ်။
ခေတ်မြန်ကြီးကို အနှေးပြကွက်နဲ့ ပြန်ကြည့်ရတဲ့ အရသာ။
ချဉ်ငံဖန်စပ်ကြီး။
ငါ့လူမှုစစ်ပွဲထဲ ငါကိုယ်တိုင် စစ်နိုင်သူ ငါကိုယ်တိုင် သုံ့ပန်း။
တနင်္ဂ​နွေ ဟာ ငါ့ဘဝခါးခါးကြီးထဲကိုဝင်လာပြီး။
ငါ့ဘဝ ခါးခါးကြီးထဲကနေ ပြန်ထွက်သွားတယ်။
ငါလည်း တနင်္ဂ​နွေခါးခါးကြီးထဲကို ဝင်ပြီး။
တနင်္ဂ​နွေခါးခါးကြီးထဲကနေ ပြန်ထွက်လာခဲ့တယ်။
ကြေးကြီးကြီးနဲ့ ဝယ်ခဲ့ရတဲ့ နောင်တတွေ။
ဒဏ်ရာကြီးကြီးနဲ့ ရင်းခဲ့ရတဲ့ ငွေစကြေးစတွေ။
ကွဲသာသွားရော တစ်သက်လုံး ပန်းပင်မရှိခဲ့တဲ့ ပန်းအိုးလေးလို။
ပြဲသာသွားရော တစ်သက်လုံး ရောင်စုံစုတ်ချက်တွေနဲ့ မထိခတ်ခဲ့ရတဲ့ ကင်းဗက်စလေးလို။
ဝမ်းနည်းမှုတိမ်ညိုတိမ်မည်းတွေ ငါ့ကောင်းကင်အပြည့်။
မဝေးတော့တဲ့ စိမ်းလန်းခြင်းတွေအတွက် မြေဩဇာအဖြစ်။
မြေဆွေးလို တမြေ့မြေ့။


လင်းလက်တာရာ
6.10.2016

ပြာများ

' ပြာများ '
_________

မီးနံ့ ရတယ်
ပိုးဖလံလေးတွေရဲ့အိမ်ဟာ မီးလား
ပိုးဖလံလေးတွေဟာ 'မီး' ကို 'အိမ်' လို့ နှလုံးသွင်းခဲ့လေသလား
လူတချို့ ကတော့ အိမ်ထဲကို မီးတွေ ပစ်သွင်းနေကြ

မီးမြို့ကြီး
အရာအားလုံးကို လောင်ကျွမ်းပစ်ဖို့ ဆာလောင်နေတယ်
ရှင်ခြင်းကို ဆာလောင်နေသလို သေခြင်းကိုလည်း ဆာလောင်နေတယ်
အတွေးတစ်ခုပေါ် နောက်ထပ်အတွေးတစ်ခု အခိုးတလူလူ
ဖြစ်တည်မှုတစ်ခုပေါ် နောက်ထပ်ဖြစ်တည်မှုတစ်ခု အခိုးတလူလူ

မီးပုံးပျံလို
လူ့ အဖြစ်ဟာ မှိုင်းကုန်တော့ ပျက်ကျတော့တာပဲ
အပျက်ပေါ် အပျက်တွေ ပျက်ကျ အပျက်တွေအထပ်လိုက်
အတင်းအဓမ္မဆောင်းကို မီးပုံပွဲလေးနဲ့ ခုခံထားရတာ
မလုံဘူး
မလောက်ဘူး

မီးသင့်ဂူထဲမှာ မီးသင့်နေတဲ့ လူတွေ
မီးဟာ သင့်လူလား ငါ့လူလား
မီးတွေ လူလားမြောက်လာပုံ

မီး + တောင်
မီးတောင်ဝမှာ ရွာတည်မိသလိုမျိုး
မီးတောင်ဝမှာ ရွာတည်မိပြန်ပြီ

ကိုယ်စီဝတ်ဆင်ထားရသော လောကဓံမီးများ
ခြစ်ခြစ်တောက် ၊ ဖျစ်ဖျစ်မြည်

မီးကို စတင်တွေ့ ရှိသူနဲ့ 
မီးကို အဆုံးသတ် ငြှိမ်းပစ်နိုင်သူ
သင်တစ်ခုခုကို ရွေးချယ်ပါ

' မီးနေသည်' ဟာ လူ့ ဘုံကို အလှဆင်သူလား
မီးဟာ မည်သည့်နေရာတွင် နေသနည်း

စပေါ့လိုက်တစ်ခုလို ထိုးကျလာသော ပေါ့ဆမီးများ
မီးစွဲလောင်နေသော အလံများ
မီးကျွမ်းနေသော စစ်မြေပြင်များ
အပေါ်မီးအောက်မီးနဲ့ အကင်ခံနေရသော နင်းပြားများ

တောမီးမှ တဆင့်
ကျွန်ုပ်တို့ ဆီ ဆက်သွယ်လာပါတယ်

မီးပြုလုပ်နည်းများ
မီးကို ရသအဖြစ် ချဉ်းကပ်ပုံ
မီးမှ အထူးတင်ဆက်သည်
မီးမျက်ရည်

မီးသွေးကိုလည်း ထုတ်လုပ်ကြပါတယ်
လူသွေးကိုလည်း ထုတ်လုပ်ကြပါတယ်
မီးသွေးရော လူသွေးပါ အဖိတ်အစင်နှုန်းမြင့်တက်

ကိလေသာမီး ဘယ်နှတန်
အာဏာမီး ဘယ်နှတန်
နိုင်ငံရေးမီး ဘယ်နှတန်
ဘာသာရေးမီး ဘယ်နှတန်

တန်ရဲ့လား ကမ္ဘာ
တန်ရဲ့လား ကဗျာ
မီးနဲ့ ပေါင်းသင်းနေထိုင်ရတာ

လင်းလက်တာရာ
27.7.2014

ကဗျာနှစ်​ပုဒ်​

' ကဗျာ နှစ်ပုဒ်'

.

(၁)

ကဗျာအမည်              - ပျောက်ဆုံးသွားတဲ့ကဗျာ
ကဗျာရေးသားရက်       - ၈ ၊ မတ် ၊ ၂၀၁၄
ကဗျာအမျိုးအစား        - MH 370
ကဗျာရေးသားသူပေါင်း  - ၂၃၉ ယောက်

(၂)

ကဗျာအမည်              - ဖျက်ချခံလိုက်ရတဲ့ ကဗျာ
ကဗျာရေးသားရက်       - ၁၇၊ ဇူလှိုင် ၊ ၂၀၁၄
ကဗျာအမျိုးအစား        - MH 17
ကဗျာရေးသားသူပေါင်း  - ၂၉၈ ယောက်

(၃)

ဒီကဗျာ နှစ်ပုဒ်စလုံး
မလေးရှားကျွန်းဆွယ်ပေါ်
ဘယ်တော့မှ ပြန်ရောက်မလာနိုင်တော့

               လင်းလက်တာရာ
                  18.7.2014

'ကဗျာရှိတယ် ဒါ့ကြောင့် ငါကဗျာရေးတယ်

'ကဗျာရှိတယ် ဒါ့ကြောင့် ငါကဗျာရေးတယ်
ငါကဗျာရေးတယ် ဒါ့ကြောင့် ကဗျာရှိတယ်'

.

စစ်ကြည့်လိုက်တော့ ပထမအရေးအသားနဲ့ ဒုတိယအရေးအသားဟာ ဆွေမျိုးတော်စပ်တယ်
သွေးအုပ်စု တူတာကလွဲရင် ရုပ်ပိုင်းဆိုင်ရာနဲ့ စိတ်နေသဘောထားတွေကွဲလွဲ
ပထမအရေးအသားဆန်မှုဟာ ဒုတိယအရေးအသားဆန်မှုကို ကြိုက်/မကြိုက်
ဒုတိယအရေးအသားဆန်မှုဟာ ပထမအရေးအသားဆန်မှုကို အလိုရှိ/မရှိ
ဘာသာစကားအက်ကွဲကြောင်းကြီးထဲကို တချို့ ခုန်ချပစ်လိုက်ကြပြီး
တချို့ စကားပြေတောအုပ်ထဲ ပြေးဝင်သွားကာ တချို့ ရပ်ကျန်နေခဲ့ကြတယ်
'ကျွန်တော် အသီးအနှံကြိုက်တာ ' နဲ့ ' သူ အသားငါးနှစ်သက်တာ' ဟာ သမီးရည်းစားဖြစ်နိုင်တာပဲ
'အစားအစာ' ဆိုတဲ့ ခေါင်းစဉ်အောက်မှာ ကိုယ်သန်ရာ အဟာရစာသားတွေကို
တန်းစီရေးချလိုက်ပါ  ' ဒါမှကဗျာ' နဲ့ 'ဒါ ကဗျာမဟုတ်ဘူး' ကြားမှာ
ကဗျာဖတ်ကျင့်ကို ထွန်ယက်စိုက်ပျိုးနေသူ မြေယာ
မြစ်တွေဟာ ဘယ်ငါးကူးပါ ဘယ်ငါးမကူးပါနဲ့ လို့ ဘယ်တော့မှ ပုဒ်မ မတပ်ဘူး
ငါးဖမ်းပိုက်တွေပဲဖြစ်ဖြစ် အပျော်စီးသင်္ဘောပဲဖြစ်ဖြစ်
စက္ကူလှေကလေးပဲဖြစ်ဖြစ် ပိုးစားသစ်ရွက်ကလေးပဲဖြစ်ဖြစ်
ယုတ်စွအဆုံး ဖိနပ်အပြတ်နဲ့ ခွေးသေကောင်ပုပ်ပဲဖြစ်ဖြစ်
အဲဒီစီးဆင်းမှုမှာ ပါဝင်ပတ်သက်ခွင့် ကိုယ်စီ ကွန်ဆက်တွေနဲ့ 
သာသာယာယာမိုးလေဝသလေးမှာတောင် မုန်တိုင်းကို မွေးမြူနိုင်ခွင့်အပြည့်နဲ့ 
ခင်ဗျား နှုန်းတင်မြေနှစ်တွေပေါ်မှာလည်း မြက်ရိုင်းတွေ ကြည့်ကောင်းပါတယ်
ကျွန်တော့်စိတ်ကို ခင်ဗျားမြက်ရိုင်းတွေနဲ့ အတူ ယိမ်းကြည့်တယ် ပျော်စရာပဲ
မြက်ရိုင်းတွေထဲက မြွေတွန်သံကိုလည်း လက်ခံပေးရမှာပေါ့
စာသားတွေကို ဖျဉ်ချလိုက်တဲ့အခါ ဖျဉ်ပုံ ဖျဉ်နည်းပေါ် မူတည်ပြီး
အဖျင်းအရေအတွက်ကွဲတယ် ခင်ဗျားကျွန်တော့်ကို ဖျဉ်ပါ
ကျွန်တော် အဖျင်းဘယ်လောက်ပါလဲ စိတ်လှုပ်ကစားနည်းတစ်မျိုးပေါ့
စပါးနှံလေးလို ကိုင်းညွတ်ပြထားတာကလည်း သိမှုကိုတည်ဆောက်တာပါပဲ
လယ်ကွင်းတွေပေါ်ပျံသန်းလာတဲ့လေနုအေးနဲ့ စပါးသင်းနံ့ လေး ပျော်ဝင်ရောစပ်သွားတယ်
ကဗျာနဲ့ ကဗျာဖတ်သူတွေ ပျော်ဝင်ရောစပ်သွားတာဟာ သိပ်လှတာပဲ
ခံစားချက်အဟောင်းတွေကနေ ဖြစ်တည်မှုအသစ်ဆီ သွားလို့ ရတဲ့ လမ်း
အဲဒီလမ်းဟာ ဆူးခြုံထူထပ်နိုင်ပါတယ် ရွှံ့ နွံသိပ်သည်းနိုင်ပါတယ်
မာကျူရီမီးတွေထိန်ထိန်ညီးနေတဲ့ ကတ္တရာလမ်းမကြီးလည်း ဖြစ်နေနိုင်ပါတယ်
ကြည့်စမ်း! ပုံသဏ္ဍာန်ပန်းပွင့်တွေ တိမ်လိုတောက်နေလိုက်တာ ချစ်စဖွယ် ဆာရီရယ်မြစ်ဝကျွန်းပေါ်မြို့ကလေး
ပထမအရေးအသားက ဒုတိယအရေးအသားကို လှမ်းဆက်သွယ်နေတယ်
ဒုတိယအရေးအသားက ပထမအရေးအသားကို စကားတွေပြောချင်နေတယ်
တတိယအရေးအသားတွေ အားကောင်းလာမယ့်အကြောင်းလား
လိုင်းကောင်းရင် ကောင်းသလို ………………………………………

လင်းလက်တာရာ
17.7.2014

ဘန်​​ကောက်​ကငါး​တွေ

' ဘန်ကောက်က ငါးတွေ'

.

Tesco မှာ
The Store မှာ
Carrefour မှာ
Walmart မှာ
Supermarket မှာ
ထုတ်ပိုးမှုမျိုးစုံနဲ့ ရေခဲရိုက်ခံထားရတဲ့ ငါးတွေ

အဲဒီငါးတွေကို ဈေးကောင်းပေးဝယ်
အဲဒီငါးတွေကို အရသာရှိရှိချက်ပြုတ်
အဆီယစ်နေတဲ့ အစာအိမ်တွေ ဇိမ်ကျနေပုံ ခုနှစ်သက္ကရာဇ်များ

အဲဒီငါးတွေကို စားရင်း အဲဒီငါးတွေအကြောင်း တွေးဖူးလား
အဲဒီငါးတွေကို စားရင်း အဲဒီငါးတွေရဲ့ နောက်ခံအခင်းအကျင်းကို စေ့ငုဖူးလား
အဲဒီငါးတွေကို စားရင်း အဲဒီငါးတွေရဲ့ လာရာနဲ့ လားရာကို ဇစ်မြစ်ရှာဖူးလား

အဲဒီငါးတွေဟာ ကြမ်းတမ်းခက်ထန်တဲ့ ပင်လယ်ကြီးထဲက လာတယ်
အဲဒီငါးတွေဟာ အော့ဝှစ်ဇ်ငရဲစခန်းနဲ့ တူတဲ့ ငါးဖမ်းစက်လှေတွေဆီက လာတယ်
အဲဒီငါးတွေဟာ ဒုတိယကမ္ဘာစစ်ကသုံ့ ပန်းတွေနဲ့ တူတဲ့ ၂၁ရာစု ခေတ်သစ်ကျွန်စနစ်ဆီက လာတယ်
အဲဒီငါးတွေဟာ လူ့ အခွင့်အရေး တံတွေးထွေးခံထားရတဲ့ လူသားချင်းတန်းတူမညီမှုဆီက လာတယ်

လူဟာ ငါးတစ်ကောင်လို ရောင်းစားခံရ
လူဟာ ငါးတစ်ကောင်လောက်တောင် တန်ဖိုးထားခြင်းမခံရ
လူဟာ ငါးတစ်ကောင်လိုပဲ လွယ်လင့်တကူ သတ်ဖြတ်ခံရ
လူဟာ ငါးတစ်ကောင်ရဲ့ ဖြစ်တည်မှုအောက်ကို လျှောကျ

ခု… ခင်ဗျားတို့ မြိန်ရေရှက်ရေ သုံးဆောင်နေကြတဲ့ ငါးတွေမှာ
လူသားတွေရဲ့ မျက်ရည်ထုထည်တွေပါတယ်
လူသားတွေရဲ့ သွေးချွေးအရင်းအမြစ်တွေပါတယ်
လူသားတွေရဲ့ သယံဇာတအသက်တွေပါတယ်
အမှောင်ကျနေတဲ့ စနစ်ဆိုးကြီးတစ်ခုလည်း ပါသေးတယ်

- လင်းလက်တာရာ
     10:7:2014

သိပ်​လှတဲ့ ဇာတ်​သိမ်း

သိပ်​လှတဲ့ဇာတ်​သိမ်း




ညနက်​ကြီးထဲ
ဆိပ်​ကမ်းတစ်​ခုလုံး မီးပျက်​​နေ
ကမ်း​ခြေမှာ ကားမီး​တွေ ပြိုင်​တူထွန်းလိုက်​ကြ

ပင်လယ်ထဲ ကမ်း​ပျောက်​​နေတဲ့
လူသားချင်းစာနာမှု သ​င်္ဘော​လေးဟာ
အလင်း​ရောင်​ကို မြင်​လိုက်​ရပြီ


( The Finest Hours ရုပ်​ရှင်​ခံစားခြင်း)


လင်းလက်​တာရာ
18.6.2015

ထန်း

'ထန်း'





ထန်းဟာ ကဗျာ
' နွေဦးကာလ မြူထသောအခါ
ရင်းထောင်ရင်းဆွဲ ဆောင်မြဲအိုးလွယ်ကာ'
(ဝန်ကြီးပဒေသရာဇာ)

ထန်းဟာ သမိုင်း
ဦးအောင်ဇေယျရဲ့ ထန်းလုံးခံတပ်က အအောင်မြင်ဆုံးသက်သေ
ဧရာဝတီ မှာ ​မေခနဲ့့မလိခမြစ်နှစ်မြွှာရှိသလိုမျိုး
ထန်းမှာ ထန်းဖိုနဲ့ ထန်းမ ဆိုပြီး ထန်းနှစ်မျိုး ရှိတယ်
ထန်းမတွေဟာ မိခင်စိတ်အပြည့်နဲ့ 
ထန်းသီးတွေကို ကိုယ်ဝန်ဆောင်တယ်

ထန်းဟာ သန်မာတယ်
တော်ရုံတန်ရုံလောကဓံမုန်တိုင်းလောက်တော့ မမှုဘူး

ခုရေတွင်းတူးပြီး ခုရေကြည်သောက်လို့ မရတာ ထန်းပဲ
ထန်းသီးကို မျိုးယူမယ်ဆိုရင်တောင် တစ်နှစ်ကြာမှ အညှောင့်ထွက်တယ်

ထန်းဟာ ကျန်းမာရေးကောင်းတယ်
အသက် ၁၅၀ လောက်ထိ ဒေါင်ဒေါင်မြည်ပဲ

အပူပိုင်းဒေသတွေကို အရိပ်ပေးဝေသူ မေတ္တာစေတနာရှင် ထန်း
ကမ္ဘာကြီးရဲ့ ဂေဟစနစ်ကို ထိန်းညှိပေးသူ သဘာဝပတ်ဝန်းကျင်သမား ထန်း
သူ့ အင်္ဂါအစိတ်အပိုင်းအားလုံးကို လူသားမျိုးနွယ်တွေအတွက် ပေးဆပ်ထားသူ ထန်း

ထန်းသီး ထန်းမြစ်ကို လူတို့ စားကြတယ်
ထန်းရည်ကို လူတို့ သောက်သုံးကြတယ်
ထန်းလက်ကို အမိုးအကာ၊ ယပ်တောင်၊ ထီး ၊ ခမောက် အဖြစ် အသုံးပြုကြတယ်
ထန်းကြောကို ဖျာ၊ တောင်း၊ ပလိုင်း၊ ဇကော၊ ဇကာ၊ ကုလားထိုင် လုပ်ကြတယ်
ထန်းသားကို အိမ်ဆောက်ကြတယ်
ထန်းညက်၊ ထန်းသီးမုန့် ကို လူတို့ အာဟာရပြုကြတယ်

ကြည့်စမ်း
လူသားတွေအပေါ် ဘယ်လောက်တောင် အကျိုးပြုလိုက်တဲ့ ထန်းလဲ

ခုတော့ အရှင်လတ်လတ် တဝုန်းဝုန်း ခုတ်လှဲခံနေရတဲ့ ထန်းတွေ
ထန်းအနုပညာ၊ ထန်းယဉ်ကျေးမှုတွေပါ ခုတ်လှဲခံနေရတယ်

ခေတ်ကာလကြီးက ထန်းတွေကိုတောင် မကာကွယ်နိုင်တော့ဘူး
ခေတ်ကာလကြီးက ထန်းတွေကိုတောင် မထိန်းသိမ်းနိုင်တော့ဘူး
ခေတ်ကာလကြီးက ထန်းတွေကိုပါ တိုက်စားနေပြီ

မျက်တောင်တစ်ခတ်ကြည့်သူတွေက
ထန်းကို ထင်းအဖြစ်အသုံးပြုကြတယ်
မျက်တောင်နှစ်ခတ်ကြည့်သူတွေကတော့
ထန်းကို အိတ်စ်ပို့ လုပ်ကြတယ်
ဂေဟစနစ်ကြီးကို မျက်စိတဆုံးကြည့်ကြပါ

ထန်းတက်သမားတွေလည်း နိုင်ငံခြားမှာ ကျွန်ခံနေရပြီ
ထန်းပင်တွေလည်း နိုင်ငံခြား ရောင်းစား ခံနေရပြီ

လင်းလက်တာရာ
17.6.2014

ဒီနှစ်​ရဲ့နာမည်​ ' အ​နေကျပ်​တယ်​ ​နေကြတ်​တယ်​ '

ဒီနှစ်​ရဲ့နာမည်​ ' အ​နေကျပ်​တယ်​ ​နေကြတ်​တယ်​ '
...............................................................



ဝါးလုံး​ခေါင်းထဲက​နေ လရဲ့ပျိုမျစ်​မှုကို ဓာတ်​ပုံရိုက်​ပြီး
လူမှုကွန်​ယက်​​ပေါ် တင်​လိုက်​တယ်​ လူမှုကွန်​ယက်​တစ်​ခုလုံး
လရဲ့ပျိုမျစ်​မှုအရည်​​တွေ တစက်​စက်​စီးကျသွား
တချို့​တွေ လရဲ့ပျိုမျစ်​မှုအရည်​​တွေနဲ့ ​တွေ့ထိမိပြီး ကိုယ်​ဝန်​ရသွား
ကဗျာဟာ ယုတ္တိ​ဗေဒကင်းလွတ်​ခွင့်​ဗီဇာနဲ့ ​လေယာဉ်​​ပေါ်တက်​သွားတယ်​
ကဗျာဓာတ်​လိုက်​ခံလိုက်​ရပြီး​နောက်​ ဦး​နှောက်​ဟာ
ပုံမှန်​အ​နေအထား ပြန်​​ရောက်​သွားတယ်​ဆိုတဲ့ ​ဆေးစစ်​ချက်​
မ​နေ့က​ အပိုင်းပိုင်းပြတ်​ထွက်​သွားတဲ့ သက်​တံ့​လေးကို
ဒီ​နေ့ အ​ဝေး​ပြေးလမ်းမရဲ့ပခုံး​ပေါ်မှာ ​အ​ကောင်းတိုင်းပြန်​​တွေ့တယ်​
ပင်​လယ်​ရဲ့အနားသတ်​မျဉ်းဟာ ငါ့အိပ်​မက်​ရဲ့ဝန်​ရိုးဖြစ်​တယ်​
အင်း​လေးဟာ ကမ္ဘာကိုတစ်​ပတ်​ပတ်​ပြီး ပုဂံကိုပြန်​​ရောက်​လာတယ်​
ပုဂံဟာ သမိုင်းရဲ့ဥခွံထဲက​နေ ​နေလုံးနီနီကို ဘိလိယက်​လှမ်းထိုးတယ်​
မဲဇာ​တောင်​​ခြေကို Google မှာ ကလစ်​ကြည့်​​တော့ လက်​ဝဲသုန္ဒရ​တွေ အလျှိုလျှို​ပေါ်လာတယ်​
' လူကို​ခွေးသတ်​​လေခြင်း' ဟာ ရိုးတွင်းချဉ်​ဆီထဲက ဘာသာစကားဖြစ်​တယ်​
ဘာသာစကားရဲ့မီး​တောင်​ထဲက ပွင့်​ထွက်​လာတဲ့​ချော်​ရည်​ပူ​တွေဟာ ကဗျာဖြစ်​တယ်​
သဘာဝ​ဘေးရဲ့ပွဲ​တော်​အုပ်​ထဲမှာ 'ငါ' များစွာ​သောဟင်းလျာ​တွေ ပလုံစီ​နေတယ်​
ဖြစ်​ပျက်​မီးရှူးမီးပန်း​တွေ ​သေခြင်းတရားရဲ့​ပြောင်​​မြောက်​တဲ့ ဖီလိုဆိုဖီ​တွေ
' သိပ်​ကိုနာကျင်​ဖို့​ကောင်းတာပဲ' ဟာ လူ့အဖွဲ့အစည်းရဲ့
စိတ်​​အ​ရေပြား​ပေါ်က ပို့စ်​​မော်​ဒန်​တက်​တူးဖြစ်​တယ်​
သူ့ 'အလင်း' ​ကို အလံဖြူတင်​လိုက်​တာ ငါ​တွေ့သလို
ငါ့ ​'အလင်း' ကို အလံဖြူတင်​လိုက်​တာလည်း သူတွေ့မှာပါ
စိတ်​စီး​ကြောင်းအတိုင်း​ အိမ်​ရှိရာ ​မျော​နေတဲ့ တိမ်​​တွေ
သိမှုလွန်​နယ်​​မြေထဲမှာ စာသား​တွေ​ ရွေ့​နေတယ်​
နေ့စဉ်​ရှင်​သန်​ခြင်းဟာ ဘဝရဲ့စုပ်​ဝဲမှုတ်​ဝဲ​တွေထဲ ချာချာလည်​​နေတယ်​
သူမရဲ့ လက်​ယက်​တွင်းထဲက စိမ့်​ထွက်​လာတဲ့ ​ရေ​နောက်​​လေးဟာ ကျွန်​​တော်​ဖြစ်​တယ်​
ဥာဏ်​ပညာနဲ့ စစ်​ထုတ်​လိုက်​တဲ့ သန့်​စင်​မှုများ
ချစ်​ခြင်းတရားနဲ့ စစ်​ထုတ်​လိုက်​တဲ့ စစ်​ပွဲများ
မီး​ဘေးထဲ မ​လောင်​မကျွမ်းဘဲအ​ကောင်းတိုင်းကျန်​ရှိ​နေတဲ့ ​မွေးခွန်း​များ
သွေးအမျိုးအစားမ​ရွေး လာလာတွယ်​စုပ်​​နေတဲ့​ မျှော့နက်​မည်းကြီးဟာ မျက်​ရည်​ဖြစ်​တယ်​
ဆင်​ဖြူဟာ စစ်​ကိုစီးလာခဲ့ပြီး စစ်​ဟာ ခပ်​ညံ့ညံ့ဘုရင်​​တွေကို စီးခဲ့တယ်​
မီးထဲ​နေထိုင်​ခြင်း၌ ​မွေ့​လျော်​​နေ​သော ငါသူတပါး​ယောက်ျားမိန်းမများ
အတ္တ​တွေကသာ ဘဝရဲ့​ရေ​သောက်​မြစ်​ကို ခန်း​ခြောက်​စေခဲ့တာ
ဖားကန့်​ဟာ နိုင်​ငံ​တော်​ရဲ့ ပါးချိုင့်​တွင်းနက်​နက်​ဖြစ်​ခဲ့ပြီ
ဝဋ်​​တွေဟာ ရိုလာကိုစတာလို လည်​​နေတယ်​
ကောင်းလား စီးလို့


လင်းလက်​တာရာ
13.3.2016

ဘဝအင်ဂျင်ထဲက တစ်စစီပြုတ်ထွက်ခဲ့တဲ့ ဖြစ်တည်မှုပီနီယံ အစိပ်အပိုင်းတွေ '

'ဘဝအင်ဂျင်ထဲက တစ်စစီပြုတ်ထွက်ခဲ့တဲ့ ဖြစ်တည်မှုပီနီယံ အစိပ်အပိုင်းတွေ '

၁။
(ရန်ကုန်ခါးခါး)

သူ့ခြေထောက်ကြမ်းကြမ်းကြီးတွေနဲ့ ငါ့ရင်ဘတ်ကိုပြေးပြေးကန်တယ်။ အကြိမ်ကြိမ်။
သိမ်ငယ်စိတ်က မလိုအပ်ဘဲ ဘရိတ်ခဏခဏအုပ်မိ။ နားနဲ့မနာ ဖဝါးနဲ့နာပါ။
တင်ကအစအတုရှိတယ်။ အချစ်ကိုတူးဖော်ကြည့်ဖို့ ပိုက်ဆံမရှိသေးပါ။
တရားကျစရာ။ စပယ်ယာကအစ လောဘကြီးတယ်။ အဟောင်းဆိုင်လေးထဲက
ဂျင်းဘောင်းဘီလေးတစ်ထည်ဟာ လှရဲ့။ လမ်းဖြတ်ကူးဖို့ အသက်ဓာတ်​ကို
ကျစ်​ကျစ်​ပါ​အောင်​ဆုပ်​ရတယ်​။ တစ်ယောက်တည်းကျပ်နေလို့ ဟိုဘက်နည်းနည်း
တိုးပါဦးဆိုတဲ့မြို့ပြ။ ကာဗွန်ဒိုင်အောက်ဆိုဒ်အထပ်ထပ်နဲ့ ဝမ်းရေနက်နက်တောမြိုင်လည်။
လူတွေပြောပြောနေတဲ့ ထပ်ခိုးလေးရဲ့တန်ဖိုး။ အိပ်မက်တွေ တရေးနိုးရလေတယ်။

၂။
( လွင့်နေတဲ့လေ )

ရင်ချင်းဆက်ခဲ့တာတောင် ရက်ရက်စက်စက်သွေးကွဲခဲ့တယ်။ မြို့ကလေးနဲ့ ငါ။
စစ်မြေပြင်နဲ့စစ်သားလို ၊ တောင်နဲ့တောင်တက်သမားလို ၊ ငါနဲ့လောကဓံ ၊ ငါနဲ့
အောင်မြင်မှု ၊ ငါနဲ့ မိုက်မဲခြင်း။ ဘဝရဲ့အဆန်တရားမှာ ဘယ်ရထားကိုမှ အချောင်
မစီးခဲ့ဘူး။ ငါဟာလူငယ် ၊ အန္တရယ် ကို လွယ်တယ်။ အခက်အခဲကိုကြိုက်တယ်။
လူအဖြစ်ရဲ့ဒုလဘ္ဘကို ခေတ်ကြီးထဲ ရဲရဲပွင့်သူ။ သေကြည့်တယ်။ တီးတိုင်းမမြည်တဲ့
ဗုံစိမ်းဟာ အနုပညာလို့ သေသေချာချာ သေကြည့်ခဲ့တယ်။ ကျည်ကာမပါတဲ့
ပစ္စုန်ပ္ပန်ကိုမှ လူမှု့ စစ်ပွဲမှာ ဝတ်ဆင်ခဲ့ရပါတယ်။ လောကကြီးကို မာနအလွင့်ကလေးနဲ့
ရွဲ့စောင်းမိခဲ့သမျှ။ဝမ်းနည်းတယ်။ ငါပစ်ခဲ့တဲ့ခဲဟာ ငါ့မိသားစုကိုမှတည့်တည့်ကြီး။

၃။
( စုထားတဲ့မျက်ရည် )

ဖတ်လက်စမြို့ပြကို ပိတ်ပြီး သောက်လက်စကဗျာကို မော့ချလိုက်တယ်။ ဘဝပင်လယ်။
ခေတ်မရွေးတဲ့ ခေတ်ပြိုင်မုန်တိုင်းများ၊ ပို့စ်မော်ဒန်သဘာဝဘေးအန္တရာယ်များ။
Edvard Munch ရဲ့ အော်သံကို မိတ္တူဆွဲထားတဲ့ကမ္ဘာကြီး။ ကမ္ဘာကြီးကို မတ္တူဆွဲထားတဲ့
Edvard Munch ရဲ့ အော်သံ။ ရင်ဘတ်ထဲမှာ ဗလာအရောင်တွေများလာတယ်။
မိသားစုဟာ ဗလာအရောင်။ ရေးနေကျ ဘော့ပင်န်လေးလည်း မင်ကုန်လို့။ ဝတ်နေကျ
ဂျင်းဘောင်းဘီလေးလည်းပြဲလို့။ စိတ်မြစ်တွေ နစ်သထက်နစ်လာ။ စိတ်နွံတွေ
ထူသထက်ထူလာ။ စိတ်ညတွေ နက်သထက်နက်လာ။ ဒီအချိန် အမေ့အိမ်ဟာ
မီးမှိန်မှိန်လေးနဲ့ပဲလား။ ခေါင်းလောင်းသံကြားမှ အဖြူအစိမ်းဝတ္ထုလေးကို သတိရတယ်။
ဘာရယ်မဟုတ် စိတ်ကူးတွေ ခလုတ်နှိပ်လိုက်မိတယ်။

၎။
( နီယွန်ရောင်ဟွန်းမျောရှည် )

အမှားအယွင်းဆန်မှုကပဲ ငါ့ကိုတယောထိုးနေလေတော့တယ်။ တစ်ကိုယ်တော်ရာသီ။
တိမ်တွေရဲ့နောက်မှာ လေတွေပါသွားသလား။ လေတွေရဲ့နောက်မှာ တမ်တွေပါသွားသလား။
ငယ်အိပ်မက်တွေကပဲ ငါ့ကို ရှော့ခ်ခဏခဏရိုက်တယ်။ နှစ်ကာလများရဲ့ အနှစ်သာရအောက်
ပျောက်ရှသွားတဲ့မြေနီလမ်းကလေး။ အဝေးပြေးလမ်းမရဲ့ ဘီးတွေဟာ ငါတို့လား။
နားထဲမှာ အုန်းမောင်းခေါက်သံတွေ ခဏခဏမြည်တယ်။ စပါးသင်းရနံ့မွှေးနေတဲ့
လေညှင်းလေးကို ခဏခဏ ဆာတယ်။ အဖေမပါလို့ မစားဖြစ်ခဲ့တဲ့ ထမင်းဝိုင်းကလေး၊
အောင့်မေ့ဖွယ်။ သတိ/ ကူးစက်လွယ်သည်။ ပုံ/ ချစ်မေတ္တာ။ လွမ်းရင်ကဗျာရေးတယ်ဆိုတဲ့
သူငယ်ချင်းလည်း လွမ်းလို့ ကဗျာမရေးတော့ဘူး။ တစ်ခါတခါ ကိုယ့်ကိုယ်ကိုယ်
ရှို့ပစ်လိုက်ချင်တဲ့ပင့်သက်။ 'မြို့ကြီးပြကြီး' ဆိုတဲ့ကွန်ကရစ်တောနက်ကြီးထဲ ကျွန်တော်
ရေငတ်တယ် မေမေ။

၅။
( ဘဝကို ရင်ဘတ်နဲ့ထိန်းပြီး ကန်တဲ့နေ့တွေ )

ဒုက္ခတရားနဲ့ သစ်စေးသုတ်ထားတဲ့ ကွင်းပြင်ခြောက်ကြီး။ မြောက်ပြန်လေတွေ ပြန်စာမလာတော့မှန်း
ကောင်းကင်က ကြက်မတစ်ဝပ်စာတောင် မျက်စပစ်မပြဘူး။ အရိပ်တွေက အကန့် အသတ်မရှိ
ခွင့်ယူထားတုန်း။ ဘယ်တော့ တောအုပ်လိုစိမ်းလန်းမလဲဆိုပြီး ကန္တာရ ကို ခေါင်းခုန်ခုန်တိုက်။
အလဲလဲအကွဲကွဲ အဝေးကွင်းတွေ။ ခါးတူးနေတဲ့ တန်းဆင်းဇုန်တွေ။ လက်ခုပ်သံတွေဟာ
ငါ့အတွက်မဟုတ်ခဲ့ဘူး။ ငါ့မှာနေလောင်တံဆိပ်နဲ့ ဦးထုပ်တစ်လုံးရှိတယ်။ ငါ့မှာ ချွေးထွက်လွန်
နေ့စွဲတွေရှိတယ်။ အဘွားက ကျန်းမာရေး ဂရုစိုက်တဲ့။ အမေက ဖုန်းမကြာမကြာဆက်တဲ့။
ငါက ပိုက်ဆံခဏခဏ ပြတ်တယ်။ ရရစားစားဝါးဝါးမြိုမြိုတွေ။ ရေလိုဝယ်သောက်ရတဲ့
အဆင်မပြေမှုတွေ။ ငွေလိုတန်ဖိုးရှိတဲ့ရောဂါတွေ။ မိုးဦးလေသံတွေကြားတိုင်း မိုးလုံလေလုံတွေ
အားကျတယ်။ စိတ်တစ်ခြမ်းက လယ်ခင်းထဲလေချွန်မိတဲ့အခါ၊ နောက်စိတ်တစ်ခြမ်းက
ဘက်စ်ကားထဲ ပင့်သက်မှုတ်မိတဲ့အခါ ရေးလက်စကဗျာတစ်ပုဒ်ဟာ ပျက်ကျသွားတော့တယ်။

၆။
( ရင်ခြစ်ရာတွေ )

နေရောင်ကို ကျောမှာစိုက်တာတောင် ဘာအပင်မှမပေါက်ဘူး။ မိုးဥတုမှာ မိုးအတုတွေ
သည်းလွန်းတယ်။ မျက်ရည်ရောင်းတဲ့ ရေခဲချောင်းသည်လေနဲ့တိုက်မိ။ ရယ်လိုက်ရင်
ထွက်ထွက်လာတဲ့ လူ့အဖွဲ့အစည်းရဲ့အစွယ်များ။ ရောင်းအားကောင်းနေတဲ့ ကိုယ်ကျိုးကြည့်
ဒီဇိုင်းမျိုးစုံ။ မြင်ကွင်းတွေ ဝါးဝါးလာ။ ကိုယ့်ဒီဂရီနဲ့ကိုယ် အနီးမှုန်/အဝေးမှုန်နေကြသူများ။
ငှက်ပျောပင်ဟာ ငှက်ပျောခိုင်ကြောင့်အပိုင်းခံရသလိုမျိုး ခန္ဓာအပင်ပေါက်ဗေဒ။
အမြဲနေတဲ့အိမ်ဟာ သံသရာပေါ့။ ခွေးလေခွေးလွင့် ၊ လူလေလူလွင့်၊ စိတ်လေစိတ်လွင့်များ။
လစ်တာနဲ့ ဝင်လာကြတော့တာပဲ လက်မည်းကြီးတွေ။ ညှော်နံ့၊ ဆိုးဆေး၊ ဘေးထွက်ဆိုးကျိုး၊
ဟွန်းသံ၊ လူမှုဆက်ဆံရေး၊ ဂျင်းပင်န်ယဉ်ကျေးမှု၊ မိတ်ဆွေအတု၊ ထောင်ချောက်အစစ်၊
ကူးစက်ဗိုင်းရပ်စ်၊ ဂလိုဘယ်လ်၊ ဆိုရှယ်၊ ကီးအမျိုးမျိုးနဲ့ အခိုးအငွေ့။ ရှေ့မှာကွေ့ရှိသည်။
ဝါစိမ်းနီဖက်ရှင်။ ပန်းသီးကဓားသွားကိုမျှားတယ်။ ဒီနေ့က မနက်ဖြန် ကို မျှားတယ်။
ငွေကြေးကလူကို မျှားတယ်။ လူဟာ မျှားလို့အကောင်းဆုံးငါး။ တစ်ဘဝလုံး မျှားထားခဲ့တဲ့
အိပ်မက်တွေ ပုပ်သွားတယ်။ တစ်ဘဝလုံးမျှားထားတဲ့ မျှော်လင့်ချက်တွေ ပုပ်သွားတယ်။
ပြဇာတ်ကပါးပါး မျက်ရည်ကထူထူ။

၇။
(ပွက်ပွက်ဆူနေတဲ့ညနေ)

ရောက်နေတဲ့သက္ကရာဇ်ကနေ ရွေ့နေတဲ့ဘဝကို ဖီးသင်ချလိုက်တယ်။ ခရီးမိုင်တွေ
တစ်ထွေးကြီး။ ဆံပင်တွေကျွတ်သလိုမျိုး တစ်ယောက်ပြီးတစ်ယောက်ပျောက်ပျောက်သွားတာ။
သီချင်းကမဆုံးသေးဘူး ဘတ္တရီကဒေါင်းသွားတာ။ ကိုယ့်ရှင်သန်ခြင်းကို ကော်ဖီလိုဖျော်ပြီး
တစ်ပါးသူကို ဧည့်ခံမိတာ။ ဝန်ရိုးစွန်းဆန်တဲ့ အထီးကျန်မှုမှာ တစ်ကိုယ်ရေအေးခဲနေတာ။
အိမ်ပြန်ချိန်စာသားဟာ လမ်းခုလတ်မှာ အစိပ်စိပ်အမွှာမွှာ ကြေမွသွားတာ။ ရှင်လျှက်သေနေတဲ့
နာမည်တွေ ပိုမိုထူထပ်လာတာ။ စိတ်မီးတောင်။ ကိလေသာချော်ရည်ပူများ။ ပါးစပ်ပြဲပြဲနာရီတွေကပဲ
အမြည်းတစ်တုံးလို လူတွေကို ရယ်ရယ်မောမော စားသုံးသွား။

၈။
( ဖြတ်လျှောက် )

တစ်ဖက်စောင်းနင်းများ။
ပြီးတော့ နောက်ထပ် တစ်ဖက်စောင်းနင်းများ။
ချစ်စွာသော ဆောင်းနှင်းပွင့်လေးရေ...
အကောင်းစားလရောင်က ငါတို့ အိမ်ခေါင်မိုးပေါ် မရွာခဲ့ပါဘူး။
နွေလယ်နေ့ခင်းရဲ့သစ်ကိုင်းခြောက်ကျိုးသံဟာ ငါတို့ ပဲ။
ဘဝက တစ်မတ္တာ သီချင်းကိုဆိုတော့ ငါတို့က ရေဗွက်ပမာဗုံတွေတီးတယ်။
အားလုံးဟာ အမှုန်အမွှားပဲ။
စားမိတဲ့အသားက အရိုးစူးပြီး
လွှတ်ခဲ့တဲ့ငါးကိုတော့ သေခြင်းတရား က မျှားသွားတယ်။
'နေ့စား' တစ်ယောက်လို ကိုယ့်ကိုယ့်ကိုယ် မပိုင်တော့ဘူး။
လေထဲ သစ်ရွက်ကလေး ဝဲပျံသွားပုံ။
ဒါလေးပဲ။

၉။

ငါ့မှာ ရန်ကုန်ခါးခါး ရှိခဲ့
ငါဟာ လွင့်နေတဲ့လေ
ငါ့မှာ စုထားတဲ့မျက်ရည်တွေ အများကြီး
ငါဟာ နီယွန်ရောင်ဟွန်းမျောရှည်
ငါဟာ ဘဝကို ရင်ဘတ်နဲ့ထိန်းပြီး ကန်ခဲ့ရ
ငါ့မှာ ရင်ခြစ်ရာတွေ ဗရပွ
ပွက်ပွက်ဆူနေတဲ့ ညနေထဲ
ငါဟာ ဖြတ်လျှောက်မျှပါပဲ


- လင်းလက်တာရာ
23.2.2016

'ခင်​ဗျားတို့ ရှို့လိုက်​တဲ့​တောမီးက ကျွန်​​တော့်​စိတ်​ကူးထဲက ​တောအုပ်​​လေးကို မ​လောင်​ကျွမ်းနိုင်​'

'ခင်​ဗျားတို့ ရှို့လိုက်​တဲ့​တောမီးက
ကျွန်​​တော့်​စိတ်​ကူးထဲက ​တောအုပ်​​လေးကို မ​လောင်​ကျွမ်းနိုင်​'



ဘာသာစကားရဲ့လျှပ်​စီးပတ်​လမ်း​ကြောင်းမှာ ကဗျာဟာစီး​နေတယ်​
ရွေ့ ​နေတဲ့ တိမ်​​တွေကို အိမ်​မက်​ထဲထည့်​ပြီး ပိတ်​လိုက်​တယ်​
အိပ်​မက်​ပါတ​ရွေ့​ရွေ့ ပျံသန်းသွား
စိတ်​နဲ့​ရေးတဲ့မင်​​တွေ အရာထင်​ခဲ့ရုံမက ဖျက်​လို့​တောင်​မရခဲ့
ရွှေမြို့​တော်​ကြီးဟာ ခြ​တောင်​ပို့ကြီးလိုတ​မြေ့​မြေ့ တစ်​စပြင်​လိုတိတ်​တိတ်​ဆိတ်​ဆိတ်​
သက်​တံ့ဟာ ရုတ်​တရက်​ကိုယ်​​ရောင်​​ဖျောက်​ပစ်​လိုက်​ပြီး
သူမဆံနွယ်​​တွေ​ပေါ် စကားပန်း​လေးအဖြစ်​လာပွင့်​ပြ​နေတယ်​လို့​ရေးပြီး လုံး​ချေမိ
ချစ်​ခြင်း​မေတ္တာရဲ့​မြေဆီလွှာဟာ ငါ့အမြစ်​​တွေဆီ မလာ​တော့
ငါအမြစ်​​တွေကပဲ ချစ်​ခြင်း​မေတ္တာရဲ့​မြေဆီလွှာဆီ သွားရတာ​ပေါ့
အရွက်​တဖားဖား​နေ့ရက်​​တွေ အလဟဿ ​ကြွေကျခဲ့ရပါတယ်​
ပျော်​စရာထုတ်​လုပ်​ဖြန့်​ဖြူး​ရေး​ဒေါ့ကွန်းမှာ ငါနဲ့​တော်​တဲ့ဒီဇိုင်းရှာမ​တွေ့ဘူး
ကွက်​လပ်​အကြီးကြီးထဲမှာ ကွက်​လပ်​​သေး​သေး​လေး​တွေအပြည့်​
ကိုယ်​တိုင်​ကွက်​လပ်​ဖြစ်​ရတဲ့ အရသာ
ငိုချင်းရှည်​ wi-fi ကို ကပ်​သုံး​နေတဲ့သူ​တွေ ​တော်​​တော်​များတဲ့မြို့ပြ
သမိုင်းတစ်​ခုနဲ့တစ်​ခု အကူးမှာ နိုင်​ငံ​တော်​ကြီး လက်​ပစ်​ကူး​နေ
လောက်တက်ေ​​နတဲ့လုပ်​ဇာတ်​​မှာ မိန့်​ခွန်းအပုပ်​အစပ်​​တွေ
ဖြစ်ရပ်မှန်​​​ဟာသ​တွေဟာ အဆီရွှဲနေတဲ့ပါးစပ်​ထဲဝင်​သွားတယ်​
ပါးစပ်​ထဲမှာ ဘူဒိုဇာ​တွေအပြည့်​နဲ့ ​ကျောက်​စိမ်းတွင်းကြီး
နေ​တွေခြစ်​ခြစ်​​တောက်​ပူ​နေတဲ့ ကားလိပ်​ကြီးကျလာတယ်​
မိုး​တွေသဲသဲမဲမဲရွာ​နေတဲ့ ကားလိပ်​ကြီးကျလာတယ်​
နှင်း​တွေတဖွဲဖွဲကျ​နေတဲ့ ကားလိပ်​ကြီးကျလာတယ်​
အဲဒီကားလိပ်​ကြီးသုံးလိပ်​ကြားထဲ လိပ်​လိပ်​ပြီးပါသွားကြ တလိမ့်​​ခေါက်​​ကွေး
အညံ့ဆုံးဆက်​သွယ်​​ရေးဆိုတာ
သေနတ်​​ပြောင်းဝ​တွေက​နေ အသက်​ဇီဝ​တွေဆီ ဆက်​သွယ်​ခြင်းပဲ
မျက်​ရည်​တံတားကို တည်​​ဆောက်​ခဲ့ကြသူများ
မျက်​ရည်​တံတား​ပေါ် ဖြတ်​​လျှောက်​ခဲ့ကြသူများ
မျက်​ရည်​တံတားရဲ့ဟိုဘက်​မှ ရှု့​မျှော်​ခင်းများ
မျက်​ရည်​တံတားရဲ့ဒီဘက်​မှ ဘဝများ
မျက်​ရည်​တံတား​ပေါ် ပန်း​လေးတစ်​ပွင့်​ပွင့်​​နေပုံများ
မျက်​ရည်​တံတား ကျိုးကျသွားပုံများ
ကဗျာတစ်​ပုဒ်​ဟာ လူ့အဖွဲ့ အစည်းထဲမှာ ပိတ်​မိ​နေ
တခြားကဗျာတစ်​ပုဒ်​က​တော့ လူ့အဖွဲ့အစည်းထဲက​နေ လွတ်​​မြောက်​​နေ
ဘာသာ​ရေးလူမျိုး​ရေးမြစ်​ကြီးထဲ လူ​တွေအစုလိုက်​အပြုံလိုက်​ကြီး ​မျောပါနစ်​မြုပ်​​နေ
ပင်​လယ်​ဓားပြတစ်​​ယောက်​ရဲ့ အိပ်​မက်​ဟာ ရတနာသိုက်​ပဲ
က​လေးစစ်​သား​လေးတစ်​​ယောက်​ရဲ့အိပ်​မက်​ရွက်​သစ်​​လေးမှာ​တော့ ပိုးစာ​ပေါက်​​တွေ
အာဏာရှင်​လမ်းမကြီး​ပေါ်မှာ လူ့အခွင့်​အ​ရေး​တွေ တစ်​စီးပြီးတစ်​စီး တိမ်း​မှောက်​​နေ
' မင်း ငါ့ကို ခိုးယူသွားခဲ့တယ်​
ငါ့ကိုယ်​ငါပြန်​ယူဖို့ ဒီကို​ရောက်​လာတာ' ဆိုတဲ့ ဂျက်​စပဲရိုးဟာ ငါတို့နဲ့ခပ်​ဆင်​ဆင်​
လူ​တွေက ငါးမန်းသားစားတယ်​
ငါမန်း​တွေက လူသားစားတယ်​
သဘာဝတရားကြီးဟာ ချစ်​ဖို့​ကောင်းပါတယ်​
ကမ္ဘာကြီး​ရေ ကက အာကာသကြီး​ရေ ကက
အိပ်​ရာဝင်​ပုံပြင်​​တွေမှတဆင့်​ ကွန်​တမ်​ပိုရာရီ​ခေတ်​ပြိုင်​ဆီ
' ဒီ​ချောက်​ကြီးထဲ ခုန်​ချလိုက်​ရင်​ ရန်​ကုန်​ကို​ရောက်​မှာလား '
ဝါကျရှည်​ကြီးတစ်​​ကြောင်းဟာ လည်​ပင်းမှာလာပတ်​​နေ
အောက်​ဆီဂျင်​အသစ်​​တွေလိုချင်​လို့
'ပြည်​သူလူထုဟာ ​စောက်​ချဉ်​မဟုတ်​ဘူး' ဆိုတဲ့သစ်​ပင်​​တွေ စိုက်​ခဲ့ကြတာ
နှစ်​ရှည်​လများ အကျဉ်းချခံထားရတဲ့ နိုင်​ငံ​တော်​ကို
လုံခြုံ​ရေးအထပ်​ထပ်​ချထားတဲ့ကြားက​နေ အရှင်​လတ်​လတ်​ကယ်​ထုတ်​ခဲ့ကြတာ
ကဗျာရဲ့လျှပ်​စီးပတ်​လမ်း​ကြောင်းမှာ ဘာသာစကားဟာစီး​နေတယ်​


လင်းလက်​တာရာ
20.2.2016

ရွှေ့ပြောင်းအလုပ်သမားများ

' မင်းဒုက္ခ​တွေက မင်းအနားမှာ ပတ်​ချာဝိုင်း​နေ​တော့
မင်းကို​တောင်​ မမြင်​ရ​တော့ဘူး '

' မင်းလည်းဘာထူး​လို့လဲ
မင်းကိုယ်​​ပေါ်မှာ ဆူး​တွေချည်းပဲ '

ငါတို့အသံကို ငါတို့နိုင်​ငံက ကြားပါစ


လင်းလက်​တာရာ
8.2.2016

သံလိုက်​အိမ်​​မြှောင်​

သံလိုက်​အိမ်​​မြှောင်​
.......................


မြောက်​အရပ်​ကို ညွှန်​မပြဘူး
မြောက်​အရပ်​မှာ မိသားစု ချစ်​ခြင်းတရားနဲ့ ပွဲ​တော်​​တွေ ရှိမရှိ သူမသိ

တောင်​အရပ်​ကိုလည်း ညွှန်​မပြဘူး
တောင်​အရပ်​မှာ ​ငွေ​ကြေး ဘုရားသခင်​နဲ့ စစ်​ပွဲ​တွေ ရှိမရှိ သူမသိ

အ​ရှေ့အရပ်​ကိုလည်း ညွှန်​မပြဘူး
အ​ရှေ့အရပ်​မှာ ရတနာသိုက်​ အသားစားသတ္တဝါများ နဲ့ သုခဘုံ ရှိမရှိ သူမသိ

အ​နောက်​အရပ်​ကိုလည်း ညွှန်​မပြဘူး
အ​နောက်​အရပ်​မှာ မ​သေ​ဆေး အငတ်​​ဘေးနဲ့ ​သေခြင်းတရား ရှိမရှိ သူမသိ

အရပ်​ရှစ်​မျက်​နှာစလုံး ညွှန်​မပြဘူး
အရပ်​ရှစ်​မျက်​နှာမှာ ဘာ​တွေ ရှိမရှိ သူမသိ

သူဟာ ရိုးရိုးသားသား သံလိုက်​အိမ်​​မြှောင်အစုတ်​က​လေးပါပဲ
ကမ္ဘာကြီးမှာ​တော့ အရပ်​မျက်​နှာအမှားကြီး​ပေးတတ်​တဲ့ သံလိုက်​အိမ်​​မြှောင်​တွေအများကြီး


လင်းလက်​တာရာ
8.2.2016