Wednesday, February 11, 2015
ရောင်စုံသီတင်းကျွတ်လေး ရဲ့ ဝေးဝေးက ကဗျာ
လပြည့်ညဆိုလို့မော့ကြည့်လိုက်တာ
မျက်လုံးထဲ တိမ်ပုပ်တွေ ဝင်သွားတယ်
ပြည်တွေတစိမ့်စိမ့်ယိုစီးရွာကျနေတဲ့ တိမ်ပုပ်တွေပေါ့
အဲဒီညိုပုပ်ပုပ်ပြည်တွေကြားကပဲ ငါ့တိုင်းပြည်ကို မြင်ယောင်ရ
ငါ့မြို့ကို မြင်ယောင်ရ ငါ့မြစ်ကို မြင်ယောင်ရ ငါ့အိမ်ကို မြင်ယောင်ရ
ငါ့မိသားစုကို မြင်ယောင်ရ ငါ့လူငယ်ဘဝရဲ့ ရှု့ မျှော်ခင်းမလေးကို မြင်ယောင်ရ
မြင်ယောင်ရင်း မြင်ယောင်ရင်း မြင်ယောင်ခြင်းတွေ ယောင်ကိုင်းလာ
မို့မောက်လာ နာကျင်လာ ကိုက်ခဲလာ ပေါက်ထွက်လာ ပန်းထွက်လာ
အဖြူဆွတ်ဆွတ်ပြည်တည်နာတွေ
အဲဒီပြည်တွေကို မီးမြိုက် စိတ်ကို မီးပုံးပျံလို မှိုင်းဝအောင်တိုက်လိုက်တယ်
ပျံသန်း
လင်းလက်တာရာ
8.10.2014
သီတင်းကျွတ်လပြည့်ည
Subscribe to:
Post Comments (Atom)
No comments:
Post a Comment