အပြောကို တွေ့ မိသေးလား
ရွှေတောင်ကြားမှာ နေတယ်လို့ ပြောတယ်
ကဗျာကိုယ်ထည်ကြီးကို ဖောင်ဒေးရှင်းချပြီး ဆောက်ထားတဲ့ တိုက်ကြီးလို့ ပြောတယ်
အပြောနောက် အပြဟာ ပါမလာဘူး
အပြာကားတွေ အကြောင်းတောင် ဆက်ပြောနေသေးတယ်
အပြောဟာ တဖြည်းဖြည်း ကမ်းပြိုလာ
ငါ့စကား နွားရ သောင်တွေ ထွန်းလာ
ဂျက်စပဲရိုးကို သွားကြားထိုးရင်း ပင်လယ်ဓါးပြတွေ အကြောင်း ဆက်ပြောနေ
ပြောရင်းတန်းလန်း မကုန်သေးတဲ့ နိုင်ငံရေးတွေထပ်မော့
ထွီ လို့ ပလုတ်ကျင်းပြီး ထွေးထုတ်လိုက်သေး
အပြောဟာ လေထုညစ်ညမ်းမှုကို ဟန်ပါပါမီးညှိနေ
ကမ္ဘာလုံးပုံဖြစ်တဲ့အထိ အခိုးအငွေ့ တွေကို စတန့် ပြမှုတ်ထုတ်နေ
ဇွမ်ဘီတွေနဲ့ ဘယ်လို နေထိုင်ခဲ့ကြောင်း
ရန်ကုန်ကြီးဟာ ဇွမ်ဘီတွေနဲ့ ပင် တူကြောင်း
လူသေတွေနဲ့ စကားပြောရတာ အရသာရှိကြောင်း
အပြောဟာ ရွက်ကျပင်ပေါက်လို့ မဆုံး
သစ်ပင်တွေ တစ်တောပြီးတစ်တော စိုက်ချင်ပုံရတဲ့ ရယ်သံအုပ်အုပ်ကို
ဆေးလိပ်မီး ထိုးချေရင်း ပြုလုပ်တင်ဆက်နေတယ်
ဘာသာရေးပဋိပက္ခသွားကြားမှာ ညပ်နေတဲ့ လူ သား အရိုး အဖတ်တွေကို
သိပ်သနားတာပဲလို့ မျက်ဝန်းထဲ မျက်ရည်တွေ ဆမ်းရင်း ထပ်ပြောနေ
အပြော ဟာ သန်းပေါင်း ၇၀၀၀ ကို တွေးပူနေရလို့ ညည အိပ်မရကြောင်း
စစ်ပွဲတွေကို ခွေးစာကျွေးဖို့ အယ်ဇေးရှင်းကြီးတစ်ကောင် ဝယ်ထားကြောင်း
ကွန်ဒုံးထည့်ထားတဲ့ ဘောင်းဘီအိတ်ထဲ ဂလိုဘယ်လိုက်ဇေးရှင်းကိုပါ ရောထည့်မိလို့ 
ဂလိုဘယ်လိုက်ဇေးရှင်းကွန်ဒုံး ဆိုတဲ့ ဝေါဟာရအသစ်ကြီးရလိုက်ကြောင်း
ဗိုလ်အောင်ဒင်လို တလဲ့လဲ့ရယ်ရင်း ဆက်ပြော
အဲဒီကမှတဆင့် ဆက်လက်ချဲ့ ထွင်လိုက်တာ ' ဂလိုဘယ်အယ်ဇေးရှင်း' ဆိုတဲ့
ခေါင်းစဉ်တစ်ခုပါ အပိုဆောင်းရှာဖွေမိရာက ရှေ့ မဆက်နိုင်ဘဲ
တန်းလန်းကြီး တစ်နေတာ တွေးမိတွေးရာ
ထိုးဟောင်ချင်တော့တာပဲလို့ ပြောပြီး
မျက်နှာကြီးရှုံ့ မဲ့ ဗိုက်ကိုနှိပ်ကာ အိမ်သာ ဆီ ပြေးသွားတယ်
ရေဆွဲ ချသံ အကျယ်ကြီးကြားရပြီးနောက် သူပြန်ထွက်လာမလားလို့ 
ကဗျာတစ်ပုဒ်စာ ထိုင်စောင့်နေမိသေးတယ်
လင်းလက်တာရာ
အောက်တိုဘာ ၊ ၂၀၁၄ ၊ ချင်းတွင်း မဂ္ဂဇင်း
No comments:
Post a Comment