ဘ
ဝ
ကိုယ်ထင်ခုတင်ရွှေနန်းကြီးဟာ ကျိုးကျသွားတယ်
ကျိုးကျဖို့ တည်ဆောက်ခဲ့ရတာ အရင်းကြီးကြီး
နောက်ဆုံးပေါ် မျှော်လင့်ချက်ကြီးဟာ ပြာပုံထဲက ကုန်းထလာတယ်
ပြာပုံထဲက ကုန်းထလာဖို့ လောင်ကျွမ်းလိုက်ရတာ အရိုးငေါငေါ
သံဆူးကြိုးတွေပေါ်က အညွှန့် တလူလူ နေ့စွဲတွေ
ဘာမှမရေးဖြစ်ခြင်းထဲ သီးပွင့်နေတဲ့ စာသားတွေ
အဓိပ္ပါယ်နက်နက်ရေတံခွန်ကို ဆန်တက်နေတဲ့ ငါးဟာ ငါ ဖြစ်တယ်
ငါ့ကို ထားခဲ့တဲ့အရာတွေရော ငါက ထားခဲ့တဲ့အရာတွေရော
ခရီးက ဆုံးကို မဆုံးဘူး အစတွေချည်းပဲ
အစတွေက ချည်သွားတာ မရုန်းနိုင် မရယ်နိုင်
ပျော်စရာ တစ်ဆယ်သားလောက် ရောင်းပါ
လူငယ်ဘဝရဲ့ အနှစ်အသားတွေကို ရတဲ့ဈေးနဲ့ ရောင်းနေရတယ်
လူငယ်ဘဝရဲ့ အနှစ်သာရတွေဟာ ခြောက်သယောင်းနေတယ်
လူငယ်ဘဝရဲ့ ရိုးရိုးသားသားတွေဟာ ယောင်ကိုင်းမို့အစ်နေတယ်
မနှစ်ကဆောင်းဟာ ငါ့ရင်ဘတ်ထဲမှာ ပူပူနွေးနွးပဲ ရှိသေးတယ်
ကိုယ့်ကိုယ်ကိုယ် ရှာတာတောင် မတွေ့တဲ့သူက အခြားတစ်ယောက်ကို ရှာလို့
နေ့စဉ် ရှင်သန်ကျင်းထဲကနေ မြွေမကြောက်ကင်းမကြောက် နိုက်ယူမိခြင်းတွေ
မတောင်းပေမယ့် မလိုချင်တာတွေလည်း ရနေတယ်
ကိုယ်စီဝတ်ဆင်ထားရတဲ့ ဝဋ်ဒုက္ခဖက်ရှင်ဒီဇိုင်းအလန်းများ
အန္တရာယ်အနံ့တွေ နံ့နံ့တက် ဆတ်ဆတ်လူး ပလူပျံ ရွစိထိုးနေတယ်
ကိုယ့်နိုင်ငံမှာတုန်းက ကြက်ဖ သူများနိုင်ငံရောက်မှ ကြက်ဥအဆံချောင်
ဘောင်တွေကို လွတ်အောင် ရှောင်ရင်းရှောင်ရင်း
လှောင်အိမ်ထဲကနေ အိမ်ကို ငေးပြီး သွားရည်ယိုနေရသူတွေ
မျက်ရည်ယိုပေါက်ကြီးကလည်း ကျယ်လိုက်တာ
သောက်နေတဲ့ ကော်ဖီခွက်ပေါ် အင်္ဂါမစုံတဲ့ အကြောင်းချင်းရာတွေ လာနားတယ်
နားနဲ့မဆံ့တဲ့ အသံတွေ နားထဲ သံတွေ ရိုက်သွင်းနေသလို
မြင်ကွင်းတွေကို မြူတွေက ကိုလိုနီထားတုန်း
'သဲသောင်ပေါ် ဆွဲခဲ့တဲ့ မိသားစု ပုံတူကို လှိုင်းလုံးတွေ လှန်ပြီးပြန်ရှာနေတာပါ ' တဲ့
တနင်္ဂနွေ ဟာ မြစ်ရေထဲ မျောသွားတဲ့ ရေသန့်ဗူးခွံဖြစ်ပြီး
ရေသန့်ဗူးခွံထဲမှာ ငါ့ SOS ပါတယ်
စိတ်မိုင်တိုင်တွေ ရှည်လျားပုံ
စိတ်မိုင်တိုင်တွေ ပြတ်ထွက်သွားပုံ
အမှိုက်ပုံထဲကနေ ကိုယ့်ကိုယ်ကိုယ် ပြန်ကောက်ခဲ့ရပုံ
ဝက်ရဲ့ အရေပြားပေါ်မှာ အသားတံဆိပ်နံပါတ်တွေ
လူတွေမှာလည်း မွေးကတည်းက ပါလာတဲ့ မမြင်ရတဲ့ တက်တူးတွေ
ဟောဒီမှာ တလူလူအူနေတာ
ကိုယ့်ကိုယ်ကိုယ် ကုန်ကြမ်းလုပ်ပြီး
ကိုယ့်ကိုယ်ကိုယ် ကုန်ချောထုတ်နေရတဲ့ စက်ရုံတစ်ရုံရဲ့ မီးခိုးတွေလေ
ယနေ့ လူ့ဖြစ်တည်မှု ရရှိနိုင်ပါပြီ
ယနေ့ လူ့ဖြစ်တည်မှု ကုန်ပြီ
လင်းလက်တာရာ
21.12.2014
No comments:
Post a Comment