Thursday, April 30, 2015
'သင့်ကိုယ်သင်ရှာပါ မြေပုံပေါ်မှာ မြေပုံတွေ'
'တွေ့လား တွေ့လား တွေ့လား ' 'တွေ့လားတွေ'ကိုရောတွေ့လား
ဘယ်လို'အရသာ'လဲ ဘယ်လို'အနှစ်သာရ'လဲ ဘယ်လို'ရသ'လဲ
ဒီချောက်ကမ်းပါးက တက်လာတာ ဒီ Mainstream ထဲက
ဖြာကျလာတာ အဲဒါက ကပ်ပါးတွေ မျိုးပွားတွေ ကလုန်းတွေ
လေထဲမှာ ၀ဲပျံလာပြီဆိုလည်း ဟီးရိုးပဲ ငါဟာ ကျကွဲ ငါဟာ
မူလီစုပ်ခံရ ငါဟာ ငါမဟုတ်တာ အသံမှာမြင်ရဲ့လား အနက်မှာ
ကြားရဲ့လား ဒီမှာက အားလုံးတူတူပဲ ရှာဖွေလေ တွေ့ရှိလေ
တစ်ယောက်ယောက်ရဲ့မိတ္တူကို ပွားလိုက်မိသေးလား ခင်ဗျားဆီမှာ
ပိုမိုရှင်သန်ဖူးညွှတ်နေတဲ့ အစိမ်းရောင်စကားလုံးတွေ တချို့
စကားလုံးတွေက တွတ်ထည့်ကန်လိုက်တဲ့ ဘောလုံးတွေလို
အမြင်အာရုံကို မှောက်မှားစေတယ် မျှော်လင့်ထားတဲ့နေရာမှာ
ကျမလာတဲ့ ဖြစ်တည်မှုဟာ မမျှော်လင့်တဲ့ နေရာမှာ မမျှော်လင့်
ထားတဲ့ပုံစံနဲ့ ဝေ့၀ိုက်ဝဲကျသွား အရွေ့အသစ်တွေ မြေမြှပ်ဗုံးတွေနဲ့
လွတ်ရဲ့လား လိုင်းအချင်းချင်း ရိုက်ကြည့်နေတာ စိတ်မရှိနဲ့ ခဏ
ဘေးဖယ် ဒီမှာက ဆောင့်နင်းချနေတာ မီး မီး ချင်း ဂဟေစပ်နေတာ
အ၀ါကဒ်ပြနေတာ time and space ကိုခုန်ကျော်ကြည့်နေတာ
သေတဲ့အပင်က ရှင်လာမလားလို့ တွေးခေါ်ကြည့်နေတာ ဆောရီး
foul နေပြီ ဆိုတာမရှိ နေရာလွတ်တွေချည်းပဲဆိုလည်း ၀ိုင်း
ဂရုစိုက်မယ့်သူတွေအပြည့် လပြည့်ညကြီးကိုချည်း ရွေးပြီး တွေး
ခေါ်နေရတာ ပျင်းရိငြီးငွေ့ဖွယ် ချွတ်ထားတဲ့စိတ်ကိုကောက်တပ်ပြီး
လူတောထဲ ဝင်သွားပုံ စမတ်ကျကျ တချို့တွေ ဘဝတွေကို ချွတ်ပြီး
ပြန်မတပ်နိုင်သေး ကိလေသာမိုးများ အဆက်မပြတ်ရွာသွန်းခြင်း
ရွာမှာပဲရွာမှာလို့ တောသူမလေးမိုးက ပြောသွားသေးလား ဝမ်းရေး
တွေဟာ မရပ်မနား ဝမ်းသွားနေသလို လမ်းတွေထဲစိုက်ဝင်နစ်
မြုပ်ပြီး ပြန်ထုတ်လို့မရတော့တဲ့ ခရီးမိုင်တိုင်တွေ ခေါင်းထဲမှာ
ခေါင်းတလား ခေါင်းတလားထဲမှာ မိမိကိုယ်ကိုယ် ရှု့ မြင်ပုံ
ရှု့မြင်နည်း မီးနေသည်ဟာကဗျာ သယံဇာတပုံ တက်တူးကို
အရှင်လတ်လတ် အရေခွံခွာလိုက်ကြပြီ တစ်တောလုံး မုဆိုး
တစ်တောင်လုံးဘူဒိုဇာ တက္ကနစ်တွေနဲ့ တည်ဆောက်ထားတဲ့
ရွာ ဘယ်နေရာကိုသွားမှာလဲ လေထီးပါလား အစာရေစာပြည့်
စုံပြီလား သူ့ချုပ်ရိုးစကို သွားသွားခိုးဖြည်နေတာ စိုက်ထားတဲ့
အသီး အရည်ရွှမ်း/မရွှမ်း ပေးနမ်းလိုက်ပါ ဒီမှာလည်း ယက်ကြည့်ပါ
တပ်ကြည့်ပါ ဆင်ကြည့်ပါ ဖက်ကြည့်ပါ သံလိုက်အိမ်မြှောင်လိုရှာ
ပြီးမှအပျော်တမ်းခရီးထွက်သလို ရှိသမျှအကုန်အတင်းထိုးထည့်
လာတာ ပျော်/မပျော်တော့ မသေချာ ဒီဘဝမှာတော့ သေဖို့
သေချာပါတယ် ငါးမရလည်း မြစ်ရဲ့ကျန်းမာရေးကိုနားစွင့်ခဲ့ပါ
နည်းပညာယန္တရားများကြားမှာ လေထဲက ငါးတစ်ကောင်လို မြစ်
ဟာ မျော့နေပါပြီ မျှော့တွေလို ဘယ်သွေးမှမရွေးတဲ့ ခေတ်
ကာလကြီးက ရသမျှစုပ်ယူတယ် စုပ်ဝဲမှုတ်ဝဲတွေနဲ့ကမ္ဘာ ပဋိပက္ခ
တွင်းနက်ကြီး ခြောက်အိပ်မက်ချောက်ကြီးများ မိန့်ခွန်းတွေဟာ
ဗိုင်ပါးယားတွေလို အမှောင်ထုကြီးထဲမှာ အစွယ်တမျှားမျှား
ဆူရှီမာကီလိပ်သလို ဖွဲ့စည်းပုံအခြေခံဥပဒေကြီးက တိုင်းသူ
ပြည်သားတွေကိုလိပ်တယ် ကိုယ့်ဘက်ကိုယ်ယက်နေလို့ ပန်း
ဝင်ဖို့မေ့နေတဲ့ လိပ်တွေ လွှတ်တော်ထဲမှာ အိပ်ပျော်နေတဲ့
လိပ်တွေ အလိပ်လိုက်အလိပ်လိုက်တက်လာတဲ့ ဧရာမ ကြွေးမှီ
မီးခိုးလုံးကြီးတွေ အသက်ကိုလုရှူ အောက်ဆီဂျင်ကို လုရှူ
လုထုညစ်ညမ်းမှုကို လုရှူ နာဂစ်ကို ဦးရှင်ကြီးလည်းမကယ်နိုင်
ခဲ့သလို နီပေါငလျင်ကို ကာလီမယ်တော်လည်း မကယ်နိုင်ခဲ့
သမိုင်းရဲ့အမည်းစက်ကို လေဆာနဲ့ဖျက်လို့မရ ကတိတွေဟာ
တိတိရိရိပျက်ကျလို့ အဲဒီမှာလိုင်းကောင်းလား ဒီမှာတော့ ဒီမို
ကရေစီဟာ လိုင်းမကောင်းဘူး ဟဲလို ကြားလား လွတ်လပ်ရေး
ကျောက်တိုင်ကြီးကအစ လွတ်လပ်ရေးမရသေး လူသားချင်း
စာနာမှုဟာ အဟတ်ခံလိုက်ရပြီ နိုင်ငံရေးစမ်းသပ်ခန်းထဲကရင်ခွဲခံ
ထားရတဲ့ဖားတစ်ကောင်ဟာ ဒီမိုးကရေစီးတယ်လို့ အော်ပြီးငြိမ်
ကျသွား အရိတ်ခံလိုက်ရတဲ့မြက်တွေဟာ ရှည်ထွက်မြဲ မတရားမှုကို
ကုတ်ခြစ်ဖို့ လက်သည်းတွေဟာ ရှည်ထွက်မြဲ ပိုးစာပေါက်တွေနဲ့ 
သစ်ရွက်ကြွေလေးမှာ အနက်အဓိပ္ပါယ်တွေနဲ့ ရနံ့တွေပန်းထွက်
လာတဲ့အထိ လူ့အဖြစ်ကို ပွင့်ကြည့်ကြတာပေါ့ ဘယ်လိုလဲ
ရွှေဆက် လင်းလက်တာရာ
30.4.2015
Tuesday, April 21, 2015
မြင်ချင်သောအရာ = မျက်စိတဆုံးထက် ပိုကျယ်သော ရှု့ခင်းများ
ဘာတွေကပ်ငြိပါလာမလဲ စိတ်တဆုံးနှိုက်ကြည့်မိ အဖွင့်လိုင်းထဲ
အစမှာတင် လေထဲကနေ လေထီးနဲ့ ခုန်ချလိုက်သလို ကျလာတယ်
တချို့စာသားတွေ လေထီးပွင့်တယ် တချို့စာသားတွေ လေထီးမပွင့်ဘူး
တချို့စာသားတွေက မိုးကျရွှေကိုယ် တချို့စာသားတွေက လေယာဉ်ပျက်အပိုင်းအစလို
စာသား အချင်းချင်း နမ်းရှိုက် ထိုးကြိတ် တွန်းကန် ဆွဲငင်
သိမှုနယ်မြေကို ရှာဖွေ ချဲ့ထွင် စာသားကိုလံဘတ်များ
ဘာသာစကားဟာ ကျောက်စိမ်းတွင်းကြီးဖြစ်တယ် တူးကြ
တချို့စာသားတွေကျ မီးများပြီး တူးသွားတယ်
တချို့စာသားတွေကျ အမှည့်လွန်ပြီး ပုပ်သွားတယ်
ပါးပြင်ပေါ်က ပါးကွက်ကြားလေးကမှတဆင့် မရောက်ဖူးတဲ့ သနပ်ခါးခြံကြီးကိုပါ မြင်လိုက်ရ
အနှစ်၂၀ လုံးလုံး အချစ်ဟာ နှလုံးသားထဲပုန်းခိုနေခဲ့ပါသတဲ့ မြင်လား
ကြားလား နာရီတွေရဲ့ နာကျင်စွာ ရီ(ရယ်)မောသံ
နေကြာပန်းလေးဟာ နေရောင်နဲ့ ဆက်သွယ်လာပါတယ် မွှေးမြ
အနှစ်သာရဆီရောက်ဖို့ အခွံနံရံအထပ်ထပ် ထွင်းဖောက်ခဲ့ရ အနှစ်နှစ်အလလ
မင်းဦးခေါင်းထဲ သာနေတဲ့ လကို မြင်ရသူအမှောင်ဟာ ငါ
'နေဝင်နေထွက်'ဟာ မဟာ စွပ်ကြောင်းကြီးတစ်ခု
နုငယ်တဲ့အသိဥာဏ်တွေထဲ ရိုက်ထည့်ထားတဲ့ အကြောက်တရားသံမှိုကို ဆွဲနှုတ်ပစ်ရမယ်
'မုန်တိုင်းတွေဘယ်လောက်ထန်ထန် လူငယ်ထုထဲ လွင့်နေတဲ့ အလံ
ပန်းတိုင်မှာ ပန်းတိုင်းဖူးပွင့်နေတယ် ' မှာ ငါနေထိုင်တယ်
မီးက ငါတို့ဆီ တိုးလာတဲ့လမ်းနဲ့
ငါတို့က မီးဆီ တိုးသွားတဲ့လမ်းကို ငါတို့ အသုံးပြုကြတယ်
အိမ်ရဲ့ အပြင်မှာ နှင်းတွေတဖွဲဖွဲ အိမ်ရဲ့အတွင်းမှာ မီးလျှံတွေ
ဘဝရဲ့အပြင်မှာ မိုးတွေတစိမ့်စိမ့် ဘဝရဲ့အတွင်းမှာ တံလျှပ်တွေ
အဆက်အစပ်မဲ့ စာသားတွေလို အဖြစ်အပျက်တွေ
အစက်အပျောက်တွေနဲ့ ဗြောက်ထနေတဲ့ မြင်ကွင်းတွေ
တောင်ရဲ့တစ်ဖက်ခြမ်းမှာ ချစ်မေတ္တာ မိသားစု နဲ့ ပျော်ရွှင်မှု
တောင်တက်လမ်းမှာ ဒုက္ခတရား အသားစားသတ္တဝါများ နဲ့ ထောင်ချောက်များ
ဒီတောင်ကို မောင်မကျော်နိုင်တော့ဘူး ဆိုသူတွေကို ငါနဲ့အတူ ငါတွေ့တယ်
ဂန္ဒီလွှင့်ပစ်ခဲ့တဲ့ဖိနပ်ကို စာအုပ်တစ်အုပ်ထဲမှာ ငါတွေ့တယ်
လမ်းတွေကို ထွင်ရတာလည်း အရိုးများလွန်းတယ်
ငါ့ကိုထမ်းခဲ့တဲ့ပခုံးတွေကို ငါပြန်ထမ်းချင်တယ်
လူ့သမိုင်းထဲ မြို့တွေ မြစ်တွေ ပျောက်သွားတာ
လူ့အဖွဲ့အစည်းထဲ ကန္တာရကြီးတွေပေါက်လာတာ
အံ့ဖွယ် / အန်ဖွယ်
တချို့နာမည်တွေက မစင်လိုပဲ မြင်တာနဲ့ ပျို့တက်
မိန့်ခွန်းတွေကို မုသားတွေနဲ့ သီကုံးဖာထေးလို့ မဆုံးနိုင်ကြသေး
ချောတိုင်တက်သလို လျှောလျှောကျလာတဲ့ နိုင်ငံရေးတွေ
ငံလိုက်တာ ထွီ!
တည်ဆောက်နေ့ ပြိုလဲည ဖွဲ့စည်းည ပြိုပျက်နေ့
တဖြည်းဖြည်းပြုန်းပြုန်းလာတဲ့ အပြုံးတွေ အပျော်တွေ
ပျော့ပြဲရိရွဲနေတဲ့ မျက်ရည်တွေ
ဘဏ်ကထုတ်လာတဲ့ အသစ်ကျပ်ချွတ်ငွေစက္ကူဟာ ပြဲသွားတယ်
အသက်ဇီဝတွေလည်း အဖြဲခံနေရ
လူ့အခွင့်အရေးတွေလည်း အဖြဲခံနေရ
အဖြူအမည်းဓာတ်ပုံထဲက ဝါးဓနိတဲလေးတွေဟာ အခုပန်းဆိုးတန်းတဲ့
ပန်းတွေကို အရောင်တွေဆိုးလာကြ အသားငါးသစ်သီးတွေထဲ ဓာတုဆေးတွေထိုးလာကြ
လူထုထဲ အဆိပ်ငွေ့တွေ ဖြန်းလာကြ
ငါတို့မှာ သမိုင်းတွေနဲ့ ငါတို့မှာ မိုင်းတွေနဲ့ ငါတို့မှာ မိုးလုံးမှိုင်းနေတဲ့ စစ်ရိပ်စစ်ငွေ့တွေနဲ့
စိုက်ထားတဲ့သစ်စေ့လေး အရွက်တဖားဖားဖြစ်လာတဲ့နေ့ဟာ ကဗျာရေးချင်စရာကောင်းမှာပါ
ကဗျာဆရာရဲ့ ခန္ဓာကတော့ ပုပ်ပွပျက်စီးသွားပြီး
သူ့ခန္ဓာထဲက ကဗျာသစ်ပင်ကတော့ မြေကမ္ဘာမှာ စိမ်းလန်းကျန်ရစ်ခဲ့ပါတယ်
'Move Move' လို့ လှိုင်းတွေက ငါတို့ကိုအော်တယ်
စပယ်ပင်လေးပေါ်မှာ ပွင့်နေတဲ့ပင်လယ်
ငါတို့ကျောပေါ်မှာ ကမ်းခြေဘယ်နှခုစာပွင့်နေတဲ့ ဆားတွေလဲ
လေထီးမပွင့်တဲ့စာသားတွေကို လက်ခံရရှိပါတယ်
လေယာဉ်အပိုင်းအစလိုစာသားတွေလည်း လက်ခံရရှိလိုက်ပါတယ်
ကြေကွဲဝမ်းနည်းဖွယ်ရာတွေဟာ ကိုလံဘတ်အဖြစ်
လူသားတွေကို ရှာဖွေတွေ့ ရှိခဲ့ပါတယ်
တောင်ရဲ့တစ်ဖက်အခြမ်းကို အမြန် ရောက်ချင်ပါပြီ
နာရီတွေရဲ့ နာကျင်စွာ ရီ(ရယ်)မောသံကို နားနဲ့ဆက်ဆက် ကြားနေရပါပြီ
သံရည်ပူတွေဆူပွက်သံဟာ ခန္ဓာအိမ်ထဲမှာ မြည်နေတယ်
ကုန်ပြီလား မျှော်လင့်ချက်ပင်ကျရည်
မကုန်နိုင်မခမ်းနိုင် တစက်စက်ကျလာတဲ့ ဝဠ်နာကံနာတွေ
မြူတွေ ဆိုင်းလာတယ် မြင်ကွင်းတွေ ဝေဝါးလာတယ် အနီးမှုန်လား အဝေးမှုန်လား
အတွေးအခေါ်ကန်းရင် လမ်းတွေပါမှောက်သွားမှာ
ခရီးတွေပါ မှောက်သွားမှာ အသက်အိုးအိမ်တွေပါ မှောက်သွားမှာ
မျက်စိတဆုံးထက် ပိုကျယ်သော ရှု့ခင်းများကိုသာ မြင်ချင်ပါသည်
လင်းလက်တာရာ
21.4.2015
Wednesday, April 15, 2015
'ဒီနေ့နေသာရင် အဆင်မပြေမှုတွေ ထုတ်လှန်းထားရမှာလား လူ့ဘဝဟာ ညှီစို့စို့'
'ချွေးပွင့်ပွဲ' လို့ ဖွဲ့ရမလား ချွေးတွေ အုံနဲ့ကျင်းနဲ့ ငွေ့ရည်ဖွဲ့ တဖွဲဖွဲ ရွာ မျက်ဖြူဆိုက်နေတဲ့
ခေတ်ဟာ ငါတို့ကိုကြိုက်လို့တဲ့ ပြန်ကြိုက်မကြိုက် အလေနဲ့အလွင့်ကြားမှာ ပွင့်ချပ်တွေ
ဖွာလန်ကြဲ တစ်ဖွာပြီးတစ်ဖွာ ပြည်သူလူထုအဆုတ်ဟာ စုတ်နေပြီ လေကြီးဟာမိုးကြီးဟာ
လေကြီးမိုးကြီးဟာ ဟာနေတဲ့လမ်းကလေးထဲ ဟာနေတဲ့ ရင်ဘတ်လမ်းကလေးထဲ
ဟနေတဲ့ လိုင်းတွေ တစ်ယောက်ရဲ့ ငါးကြော်ဟာ တစ်ယောက်ရဲ့ ကြောင်ခံတွင်းပျက်ဆီ
ကူးခတ်သွား ငါးရိုးစူး နှစ်ပရိစ္ဆေဒများရဲ့ လှိုင်းတွေ ဘာသာရေးလှိုင်းများ နိုင်ငံရေးလှိုင်းများ
အွန်လိုင်းပေါ်မှာတဝုန်းဝုန်း ပြတ်ရွေ့ကြောတည့်တည့်က အကြည်ဓာတ်ကမ်းခြေလေး
ဒုက္ခအသစ်ကျပ်ချွတ်တွေရေတွက် မျက်ရည် ပူပူနွေးနွးတွေ သောက်သုံး ဇာတ်တူသားစား
ခွေးသွားစိပ်တွေ နေ့စဉ်ရက်ဆက် လည်ပတ် ပတ်ပတ်လည် ကာလယန္တရား ညှော်နံ့တွေ
ကြိုးဆွဲခေါင်းလောင်းကနေ နာရေးသတင်းတက်လာ ဝရန်တာက ပန်းအိုးလေး လေထဲ
ခုန်ချသွား နိမိတ်ပုံ အဝတ်ကြိုးတန်းဟာ တဆတ်ဆတ်တုန်ခါ မုန်တိုင်းမိ မိသားစု
သစ်ကိုင်းဖျားလေးရဲ့ ဖီကွမ်စီ တတိယထပ်က ဇာတ်လမ်းအကျိုးအပဲ့ကို စတုတ္ထထပ်က
မြင်နေရ မမြင်ချင်ယောင်ဆောင်ရ လမ်းကြားမှာ မုဆိုးမတစ်ယောက်ရဲ့ခြောက်သယောင်း
ဆံပင်တွေလို လောကဓံလှလှ ဘဝကို ဘာမှမဆောင်းဘဲ ဖြတ်သန်းနေသူများ ရေမပါ
ထီးမပါ ချစ်ခြင်းမေတ္တာဆိုတာကြီးပါတယ်ဆိုလား ဆိုလာပြားတွေလို နေရောင်ကိုအငမ်းမရ
စုတ်ယူ စာသားတွေကိုလည်း အဲသလိုစုတ်ယူ ကဗျာဟာ သူ့ကိုယ်သူ ဆယ်ဖီရိုက်
ဖေ့စ်ဘွတ်ပေါ်တင် အခွက်ပြောင် သံယံဇာတပြောင်သွားတဲ့နိုင်ငံဟာ ဖင်ပြောင်သလိုပါပဲ
ဟက်ဟက်! တွေ့ကရာဟတ်တတ်တဲ့ ပါးစပ်ကြီးတွေဟာ ပါးစပ်ရာဇဝင်မဟုတ်ဘူး
သစ်လုံးကား တွေမြင်တိုင်း စိတ်တွေကန်းတယ် ဆင်ချင်းအတူတူ ဆင်ဖြူဖြစ်ရတဲ့ ဝဠ်
ဒုက္ခ မျက်နှာသစ်တိုင်း သစ်မလာတဲ့အကြောင်းအရာတွေမှိုတက် မှိုနံ့စွဲအစဉ်အလာများ
ဒဏ်ရာအဟောင်းတွေ ပေါင်းပြီး အက်ကြောင်းကြီးဖြစ်လာပုံ သမိုင်းလမ်းဆုံ အလင်း
အမှောင်ကို လိုသလို မှောက်ချတယ် သွန်ချတယ် ပြန်ကောက်ထည့်တယ် လိုသလို
ပုံသွင်းလို့ရသော ဖယောင်းစစ်ပွဲများ ဖယောင်းငြိမ်းချမ်းရေးများ ဖယောင်းချိုးဖြူငှက်များ
ပန်းချီဆရာဟာ ကမ္ဘာကြီးရဲ့ပုံတူကို မီးခိုးရောင်ချည်းသုံးသွား သူ့မှာ ဆေးရောင်စုံရှိလျက်နဲ့
သွားတွေ တုံးသွားတဲ့အထိ အာဏာကြိုးတွေ တစ်ပင်ပြီးတစ်ပင် ကိုက်ဖြတ် ကိုယ့်လည်းပင်းက
ကြိုးကို ကိုယ်တိုင် စွပ်ခဲ့တာ အစရှိသဖြင့် မဆုံးတော့ လူတော့မဆုံးသေး နာမည်က အခါခါသေ
မြည်သံစွဲအလင်္ကာတွေ ပြွတ်သိပ်နေအောင် သီးနေတဲ့ မြို့ကြီး မီးနေသည် စီစီတီဗီဖွင့်ထားလည်း
သင့်စိတ်ကို မပိတ်ပစ်ပါနဲ့ သင့်စိတ်ကို ဖွင့်ထားပါ ငွေမည်းဟာ ငွေဖြူငွေမည်းခွဲခြားခံရလို့
တရားစွဲတယ် တရားကို ငွေမည်းကနိုင်သွား ဖြူစင်သောထမင်းလုတ်တွေကိုသာ ဆာ/ စားပါရစေ
စပါးဟာ ဆန်ဖြစ်ကြောင်းပြဖို့ ရိတ် သိမ်း ခြွေ လှေ့ ကြိတ် ခွဲခံရသလိုမျိုး ငါတို့ ရိတ် သိမ်း ခြွေ လှေ့ 
ကြိတ် ခွဲခံရ 'ပျော်ရဲ့လား'ကို ခလောက်ကြည့်တော့ ဂလောက်ဂလောက်နဲ့ အဆံချောင်နေတဲ့
လူတစ်စုဟာ အချောင်စံနေတယ် အချောင်စံနေတဲ့ လူတစ်စုဟာ အဆံချောင်နေတယ်
ဒီလောက် အကျည်းတန်နေတဲ့ အကြပ်အတည်းကြီးထဲ
လင်းလက်တာရာ
13.4.2015
Monday, April 6, 2015
ဆိုက်ကိုအရေးအသား
ပုပ်ပွနေတဲ့ သစ်သီးတွေ ဆိုက်ကိုဝင်ပြီး နုပျိုလတ်ဆတ်ကုန်တယ်
လူ့ဘဝရဲ့သိပ်သည်းဆထဲ ဆိုက်ကိုတွေ ထိုးခွဲဝင်ရောက်
ဝင်လာမစဲ တသဲသဲဆိုက်ကိုတွေ အရွယ်က 'ပလုံ' ဆိုက်ကိုက 'ဝုန်း'
တစ်နိုင်တစ်ပိုင် ဆိုက်ကိုစိုက်ပျိုးရေး သတိ/ ဆိုက်ကိုလောင်ကျွမ်းလွယ်သည်
နေအထွက်မှာ ရွှေခွက်နဲ့ ဆိုက်ကိုအပြည့် ခပ်ကြသူများ
စိတ်အတွင်းသားထဲ ဆိုက်ကိုတွေနယ်ချဲ့ ဆိုက်ကိုနယ်မြေသစ်များ
ဆိုက်ကိုနေမဝင်အင်ပါယာ ဆိုက်ကိုဖွံ့ဖြိုးတိုးတက်ရေး Free ဆိုက်ကို
အသားတိုးမွေးမြူထားတဲ့ ဆိုက်ကိုတွေ ဖဲ့ထုတ်လှီးပစ်ရမယ့် ဆိုက်ကိုတွေ
ဆိုက်ကိုဂရပ်ဖစ်မျဉ်းများထောင်တက် ဆိုက်ကို,ကို ထောင်သွင်းအကျဉ်းချလို့ ရမရ
မြေအောက်တော်လှန်ရေးခေါင်းဆောင်ဆိုက်ကို ဆိုက်ကိုအလိုမရှိ
စိတ်နှလုံးသားမှာ ချိန်ကိုက်ဗုံးထောင်သူဆိုက်ကို ဆိုက်ကိုချော်ရည်ပူများ
ဆိုက်ကိုဆူနာမီများ ဆိုက်ကိုမုန်တိုင်းများ ဆိုက်ကိုဖိုးဘီးယား
ဆိုက်ကိုပြည်ထောင်စု ဆိုက်ကိုသမ္မတ ဆိုက်ကိုနိုင်ငံတော်
လူမှုကွန်ယက်ထဲကနေ ဆိုက်ကိုတွေ ကူးစက် ဆိုက်ကိုဗိုင်းရပ်စ်များ
ဆိုက်ကိုတွေ ဈေးကြီးပေးဝယ်တယ် ဆိုက်ကိုတွေ ဈေးပေါပေါနဲ့ရမယ်
ဆိုက်ကိုတွေ ပဲလှော်နဲ့လဲတယ် အသက်နဲ့ လဲလိုက်ရတဲ့ ဆိုက်ကို
ဘဝနဲ့ လဲလိုက်ရတဲ့ဆိုက်ကို အချစ်နဲ့လဲလိုက်ရတဲ့ ဆိုက်ကို
ဆိုက်ကိုဟူသမျှ ဂုဏ်ရှိစွ ရောင်စုံဆိုက်ကိုလူပူဖောင်းများ
ကုန်သည်ကြီးများဟိုတယ်ပေါ်စမတ်ကျကျတက်သွားတဲ့ ဆိုက်ကို
လူ့အောက်ပိခြင်းထဲ ခေါင်းငိုက်စိုက်ဆင်းလာတဲ့ ဆိုက်ကို
ဆိုက်ကိုဝေးဝေးဆက်ဆံရေး လိင်ဆက်ဆံနေချိန် အလစ်ဝင်တိုက်တဲ့ဆိုက်ကို
ဆိုက်ကိုမြို့မှ လှိုက်လှဲပျူငှါစွာ ကြိုဆိုပါ၏ သင့်အားဆိုက်ကိုမှအလိုရှိသည်
အမှန်တရားရဲ့ဘက်တော်သား မဟာ ဆိုက်ကို ပြန်လာပြီ
Relationship ထဲ ဆိုက်ကိုတွေ တစိမ့်စိမ့် ဝင်လာ
ဆိုက်ကိုမဟာမိတ်များ အဆိုးမြင်ဆိုက်ကိုများအား ဆန့်ကျင်ကြ
ဆိုက်ကိုပေါ်မှာ လိုက်ပါလာကြတဲ့ ဆိုက်ကိုခရီးသွားပြည်သူများခင်ဗျာ
ဆိုက်ကိုသံသရာ ဆိုက်ကိုကမ္ဘာ ဆိုက်ကိုကဗျာ
ဆိုက်ကိုအချင်းချင်းသတ်ဖျက်ခြင်း ကင်းရှင်းကြပါစေ
ပျံသန်းနေတဲ့လေယာဉ် ဆိုက်ကိုကြောင့် ပျက်ကျ
မပြီးဆုံးသေးသော ဆိုက်ကိုစစ်ပွဲများ တမြေ့မြေ့ ဆိုက်ကိုကင်ဆာများ
ဆိုက်ကိုအား လူမျိုးမရွေးဘာသာမရွေး သုံးဆောင်နိုင်ပါသည်
သူ့ကိုယ်သူ ဘုရားသခင် လို့ ထင်နေတဲ့ ဆိုက်ကို
ဆိုက်ကိုနားထင်သွေးရောက် ဆိုက်ကိုအစွန်းရောက်များ
ဆိုက်ကိုနားနီးဆိုက်ကို ရှေးရိုးစွဲအစဉ်အလာများအား အရေခွံခွာသူ ဆိုက်ကို
ဘာသာရေးအယူဝါဒများအား သွားထက်ထက်နဲ့ကိုက်ဖြတ်သူ ဆိုက်ကို
ဖွတ်ထွက်မှ ဆိုက်ကိုမှန်းသိတယ် ဆိုက်ကိုအရောင်ကြောင့်ပါးပြောင်
ခန္ဓာအိမ်မှ ဆိုက်ကိုများ မွန်းလွဲတစ်နာရီတွင် စတင်ထွက်ခွာမည်
ဆိုက်ကို တွေးတယ် ဒါကြောင့် ဆိုက်ကို ရှိတယ်
နိုင်ငံအဝှမ်း ဆိုက်ကိုအစွမ်းဖြင့် စိမ်းလန်းစေရမည်
လူကြီးမင်းခေါ်ဆိုသော တယ်လီဖုန်းမှာ ဆိုက်ကိုဝင်နေပါသဖြင့်
ဆိုက်ကို status ဆိုက်ကို like ဆိုက်ကို comments
ဆိုက်ကို Share ဆိုက်ကို Last online one minute ago
သေ - မြေကြီး ရှင် - ဆိုက်ကို ဆိုက်ကိုသီးမှ အရီးလာမတော်နဲ့
နုပျိုလတ်ဆတ်တဲ့သစ်သီးတွေ ဆိုက်ကိုဝင်ပြီး ပုပ်ကုန်တယ်
- လင်းလက်တာရာ
6.4.2015
Friday, April 3, 2015
စိတ်ရဲ့နောက်ဆုံးခရီး
လူ့ဘဝရဲ့ တချို့ အစိပ်အပိုင်းတွေကို ခုတ်ပစ်လိုက်တယ်
လူ့ဘဝရဲ့ တချို့ မှတ်ဥာဏ်တွေကို ချွတ်ပစ်လိုက်တယ်
လူ့ဘဝရဲ့ တချို့ ဇာတ်လမ်းဇာတ်ကွက်တွေကို ဖဲ့ထုတ်လိုက်တယ်
လူ့ဘဝရဲ့ တချို့ အကိုင်းအခက်အလက်တွေကို ချိုးပစ်လိုက်တယ်
လူ့ဘဝရဲ့ တချို့  ရက်စွဲတွေကို ဖြုတ်ပစ်လိုက်တယ်
လူ့ဘဝရဲ့ တချို့ အဖြစ်အပျက်တွေကို ဖြတ်ထုတ်လိုက်တယ်
မီးထဲ ဝင်ရတော့မှာမို့
လင်းလက်တာရာ
3.3.2015