ရှိတ်စပီးယား မကြည့်လိုက်ရတဲ့ ပြဇာတ်
ရှယ်လီ မဖတ်လိုက်ရတဲ့ အချစ်ကဗျာ
-----------------------------------------------
မင်းနှလုံးသားမှာ
အမုန်းတရားနဲ့ ချည်ထားတဲ့ ခိုဖြူလေးကို
အတောင် မကျိုးခင် ခိုး လွှတ်ပေးလိုက်မိ
အဲဒီအစား
ငါ့မျက်ဝန်းမှာ ပျိုးထားတဲ့
နှင်းဆီပင်လေးတွေကို နှုတ်ပြီး
မင်း အဆုတ်ထဲ ခိုး စိုက်ထားလိုက်ပါရဲ့
အချစ်ရေ...
သံလွင်ခက်ကို ကိုက်ချီပျံသန်းလာတဲ့
ခိုဖြူလေးကို တွေ့ရဲ့မဟုတ်လား
မင်း ဝင်သက်ထွက်သက်တိုင်းမှာလည်း
နှင်းဆီရနံ့လေးတွေ မွှေးပျံ့ လာရဲ့မဟုတ်လား
#လင်းလက်တာရာ
19.9.2017
No comments:
Post a Comment